Источник материала:

У трэці раз астравецкія выхаванцы спартыўнага клуба «Чэмпіён» удзельнічалі ў традыцыйным мінскім Калядным дабрачынным турніры па спартыўна-баявых адзінаборствах – і вярнуліся дадому з медалямі.

Кёкусінкай каратэ, бескантактны каратэ, грэплінг і кікбоксінг – на турніры на розных пляцоўках адначасова праходзілі спаборніцтвы па некалькіх відах адзінаборстваў.

Майстэрства бою ў кёкусінкай каратэ дэманстравалі дзевяць астраўчан. У малодшай узроставай групе 10-11 гадоў сярэбранымі прызёрамі сталі Яраслаў Шасцялінскі і Клім Красноў. Бронзу заваяваў Данііл Куцько. А вось Максіму Бразевічу і Арсеню Рымшу крыху не пашанцавала – іх сапернікі аказаліся больш вопытнымі.

У катэгорыі 12-13 гадоў уладальнікам бронзавага медаля стаў Данііл Урбановіч. Ва ўзроставай групе 14-15 гадоў серабро заваяваў Арцём Шасцялінскі. А сярод старэйшых каратыстаў 16-17 гадоў сярэбраным прызёрам стаў Мікіта Русецкі. У гэтай жа групе выступаў і наш вядомы каратыст Канстанцін Пятровіч, але на гэты раз ён быў толькі чацвёрты.

Усе грошы, сабраныя за ўдзел у Калядным турніры, перададзены хворым дзецям з псіханеўралагічных інтэрнатаў.