Moderna падае заяўку на рэгістрацыю вакцыны ў ЗША і Эўразьвязе. 21.by

Moderna падае заяўку на рэгістрацыю вакцыны ў ЗША і Эўразьвязе

30.11.2020 18:26 — Разное | Свабода  
Размер текста:
A
A
A

Источник материала: Свабода

У паведамленьні таксама ўдакладняюцца вынікі трэцяй фазы клінічных выпрабаваньняў вакцыны. Сьцьвярджаецца, што яна была эфэктыўнай у 94,1 адсотка выпадкаў. З больш чым 30 тысяч удзельнікаў выпрабаваньняў на COVID-19 захварэлі 196 чалавек, зь іх вакцыну атрымалі толькі 11, астатнім было ўведзена пляцэба.

Пры гэтым, як адзначаюць у кампаніі, з тых 11, хто захварэў, ніводны не перахварэў цяжка. Гэта значыць, што ў адносінах да цяжкай формы каранавіруснай інфэкцыі эфэктыўнасьць вакцыны склала 100 адсоткаў.

У ходзе дасьледаваньняў Moderna ад каранавірусу памёр адзін чалавек, які ўваходзіў у групу пляцэба.

Раней паведамлялася пра эфэктыўнасьць вакцыны на 94,5 адсотка, але гэтая ацэнка грунтавалася на няпоўных зьвестках.

Moderna стала другой кампаніяй, якая падала заяўку на рэгістрацыю ў ЗША. Раней па рэгістрацыю сваёй вакцыны зьвярнуліся Pfizer і BioNTech. Яны сьцьвярджаюць, што іх вакцына атрымала эфэктыўнасьць 95 адсоткаў. Паводле папярэдніх ацэнак, сабекошт вакцыны Pfizer ніжэйшы, чым у Moderna.

У кампаніі Moderna раней распавялі, што фактычна распрацоўка вакцыны заняла два дні – яшчэ ў студзені, калі эпідэмія каранавіруснай інфэкцыі толькі пачалася ў Кітаі. Moderna зрабіла стаўку на тэхналёгію матрычнай РНК, яе вакцына стымулюе арганізм выпрацоўваць так званы спайкавы бялок – гэта, у сваю чаргу, выклікае імунны адказ.

Па той жа мадэлі працуе вакцына ад Pfizer, а вось расейская «Спутник V» і вакцына кампаніі AstraZeneca пабудаваныя на іншай тэхналёгіі – з выкарыстаньнем адэнавірусу. Распрацоўнікі расейскай вакцыны «Спутник V» сьцьвярджаюць, што эфэктыўнасьць іх вакцыны – больш за 95 працэнтаў. Пры гэтым вынікі трэцяй фазы яе выпрабаваньняў пакуль не апублікаваныя. Вядомыя выпадкі захворваньня добраахвотнікаў, якія ўдзельнічалі ў выпрабаваньнях, але пакуль не зразумела, ці ўводзілася ім вакцына, ці яны атрымалі пляцэба.

Кампанія AstraZeneca абвясьціла, што эфэктыўнасьць яе вакцыны, якая распрацоўваецца разам з Оксфардзкім унівэрсытэтам, склала 70 працэнтаў.

У выпадку рэгістрацыі, вакцынацыя ў шэрагу краін Эўропы і ў ЗША можа пачацца ўжо ў сьнежні, але масавай яна стане толькі ў наступным годзе, бо пакуль ня выраблена дастаткова доз прэпарату.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Амэрыканская кампанія Moderna заявіла, што ў панядзелак зьвернецца да ўладаў ЗША і Эўразьвязу з хадайніцтвам аб рэгістрацыі распрацаванай ёю вакцыны ад...
 
 
 

РЕКЛАМА

Архив (Разное)

РЕКЛАМА

© 2021 21.by