Расея – адзінае апірышча Лукашэнкі: меркаваньне ўдзельнікаў апытаньня Chatham house

Источник материала: Свабода

Пра гэта ў інтэрвію палітычнаму аглядальніку Свабоды Юрыю Дракахрусту распавёў супрацоўнік Chatham house Рыгор Астапеня.

Астапеня

• Апытаньне было праведзенае з 13 па 18 лістапада 2020 году з выкарыстаньнем мэтаду кампутарнага вэб-інтэрв’ю (CAWI). Апытвалася гарадзкое насельніцтва Беларусі. Колькасьць рэспандэнтаў — 864 чалавекі.
• Клясыфікацыя апытаных — «прыхільнікі пратэсту» (38%), «назіральнікі» (33%) і «бастыён Лукашэнкі» (28%).
• Народ, самы блізкі культурна і мэнтальна беларусам — расейцы. Гэта так для ўсіх выдзеленых групаў, для прыхільнікаў пратэстаў у тым ліку.
• «Расея — адзінае апірышча Лукашэнкі» — гэтую тэзу падтрымала 73% апытаных, так лічыць і большасьць прыхільнікаў Лукашэнкі.
• У прыхільнікаў Лукашэнкі ёсьць досьвед жніўня, калі здавалася, што Лукашэнка сыйдзе і ён утрымаўся дзякуючы расейскай падтрымцы.
• Да Ўладзіміра Пуціна вельмі станоўча ці станоўча ставяцца дзьве траціны беларусаў.
• У траціны апытаных стаўленьне да Пуціна пагоршылася праз падтрымку Лукашэнкі ў беларускім палітычным крызісе.
• Сярод пратэстоўцаў ёсьць частка, якая заўсёды ставіліся адмоўна да кіраўніка Расеі.

• У пратэстоўцаў крыўда за тое, што Пуцін не пачуў іх. Яны чакалі ад Расеі большай прыхільнасьці.
• «Бастыён Лукашэнкі» ставіцца добра да Пуціна не таму што ён падтрымаў Лукашэнку. Яны лічаць што Пуцін — добры лідэр, які падняў Расею.
• Беларусы ня хочуць палітычнай інтэграцыі з Расеяй. Але яны гатовыя да вельмі шчыльнай эканамічнай інтэграцыі з Расеяй.
• Мы ўбачылі адмоўнае стаўленьне да зьяўленьня ў Беларусі адкрыта прарасейскай партыі. Яно такое нават у большасьці «бастыёну Лукашэнкі».
• За захаваньне сяброўства Беларусі ў АДКБ — 60%, за выхад з АДКБ і нэўтралітэт — 30%, за выхад з АДКБ і за ўступленьне ў NATO — 8%.
• За ўступленьне ў NATO — роўныя долі як сярод прыхільнікаў пратэстаў, гэтак і сярод «назіральнікаў» і прыхільнікаў Лукашэнкі.
• Сярод прыхільнікаў пратэстаў за захаваньне ў АДКБ — 48%.
• Прыхільнікі пратэсту падзеленыя прыкладна пароўну на прыхільнікаў АДКБ і нэўтралітэту.
• За АДКБ большасьць у грамадзтве ў цэлым, ісьці супраць гэтага — гэта варʼяцтва.
• «Бастыён Лукашэнкі» ад перамогі пратэсту чакае мяжы з Расеяй, вайсковых базаў NATO, страты расейскай мовай статусу дзяржаўнай.
• Прыхільнікі пратэсту ад перамогі пратэсту гэтага не чакаюць.
• Было пытаньне «З кім хочуць збліжацца Ціханоўская і Каардынацыйная Рада — з Расеяй ці з Захадам?» Толькі 5% адказала, што з Расеяй, 71% — з Захадам.
• Гэта выклік для Ціханоўскай і КР. Беларусы ў цэлым прыхільна ставяцца да Расеі, але яны ня бачаць, каб Ціханоўская імкнулася супрацоўнічаць з Расеяй.
• У некаторых выступах яна называе Пуціна «мудрым», у іншых кажа, што будучая Беларусь ня будзе прызнаваць дамовы, якія зараз Пуцін заключыць з Лукашэнкам.
• Людзі хочуць ад яе большай пэўнасьці ў гэтым пытаньні.