Яшчэ адзін рабочы «Беларуськалія» далучыўся да страйку. ВІДЭА. 21.by

Яшчэ адзін рабочы «Беларуськалія» далучыўся да страйку. ВІДЭА

01.12.2020 08:24 — Разное | Свабода  
Размер текста:
A
A
A

Источник материала: Свабода

Падземны трактарыст 4-га рудаўпраўленьня Віктар Гурыновіч апублікаваў відэазвапрот, запісаны ў шахце:

«Нашая Радзіма ў страшнай бядзе. І мы, яе дзеці, апынуліся ў самым сэрцы трагедыі! Сілавы блёк выкарыстоўвае рэпрэсіі супраць свайго народа, супраць яго голасу, супраць мірнага пратэсту, супраць будучыні нашай Бацькаўшчыны. Краіна задыхаецца ў хвалях незаконнага перасьледу па палітычнай прыкмеце . Краіна задыхаецца ад ілжы і дыскрымінацыі нацыянальнай культуры і мовы.

Мы на мяжы гуманітарнай катастрофы: катаваньні, зьдзекі, забойствы, гвалт у дачыненьні да іншадумцаў, да простых цывільных – гэта тое, што тут адбываецца кожны дзень. Гэта што, цывілізаваная краіна 21 стагодзьдзя? Чаму так адбылося? Што стала апошняй кропляй? Чаму спружына больш не сьціскаецца!? Прычына адная – насельніцтва Беларусі стамілася цярпець непрафэсіяналізм, хамства і неадэкватнасьць нелегітымнай улады, якая замест дыялёгу прапануе толькі жорсткі ціск і агрэсію. Час нагадаць, што мы – не быдла, мы – Людзі.

Трэцяе дзесяцігодзьдзе нас прымушаюць маўчаць. Нам было страшна. І зараз нам страшна. І ў будучыні страху не пазьбегнуць. Не баіцца толькі хворы. Але маўчаць больш нельга. Я бачу толькі адзіны мірны шлях барацьбы за свае правы – далучэньне да агульнанацыянальнага страйку і падтрымка патрабаваньняў страйкаму «Беларуськалія». Беларусі жыць! Беларусам быць і заставацца Людзьмі!», – заявіў Віктар Гурыновіч.

Як паведамляе страйкам салігорскага «Беларуськалію», колькасьць страйкоўцаў на прадпрыемстве расьце. Да палітычных патрабаваньняў, сярод якіх адстаўка Лукашэнкі і новыя прэзыдэнцкія выбары, 30 лістапада далучыліся:

Антаніна Ўюхіна, апэратар заправачных станцыяў ПУУСТ рудніку 3-га рудаўпраўленьня
Аляксандар Макаед, электрасьлесар дзяжурны і рамонту абсталяваньня 4-га рудаўпраўленьня
Андрэй Батуеў, машыніст горных машынаў рудніку 3-га рудаўпраўленьня.
Агулам колькасьць страйкоўцаў на «Беларуськаліі» набліжаецца да 100 чалавек.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Шахтары патрабуюць адстаўкі Лукашэнкі, новых прэзыдэнцкіх выбараў, вызваленьня палітвязьняў і спыненьня гвалту.
 
 
 

РЕКЛАМА

Архив (Разное)

РЕКЛАМА

© 2021 21.by