Памерла самая публічная супрацоўніца менскага АМАПа Святлана Скаражонак. Ёй было 29 гадоў

Источник материала: Белсат

Святлана Скаражонак – самая публічная супрацоўніца жаночага ўзводу менскага АМАПа. Пра яе кар’ерны шлях шмат разоў расказвалі дзяржаўныя СМІ – з сям’і бацькі-афганца, вывучылася на піяршчыцу, але пайшла служыць.

Днямі Святлана памерла. Абставіны смерці невядомыя.

Кіраўніцтва МУС і кіраўніцтва менскага АМАПа выказалі спачуванні яе родным праз старонкі газеты «На страже».

Святлане Скаражонак было 29 гадоў, яна паходзіла з Нясвіжа. Бацька-памежнік у савецкія часы служыў у Афганістане і Туркменістане, маці – культработніца. Святлана была адзіным дзіцём у сям’і.

Скончыла факультэт філасофіі і сацыяльных навук БДУ, а пасля прайшла падрыхтоўку ў навучальным цэнтры МУС і ў 2014 годзе стала служыць у АМАПе.

Пытанне, ці мае смерць Святланы Скаражонак крымінальны характар, афіцыйны прадстаўнік ГУУС Менгарвыканкама пакінула без каментароў.

ІК, belsat.eu