Следчы камітэт адмовіўся праводзіць праверку фактаў катавання Міколы Дзядка. 21.by

Следчы камітэт адмовіўся праводзіць праверку фактаў катавання Міколы Дзядка

13.01.2021 12:46 — Разное | Белсат  
Размер текста:
A
A
A

Источник материала: Белсат

Актывіст Мікола Дзядок застаецца пад вартай.

Бацька палітвязня, актывіста анархічнага руху Міколы Дзядка Аляксандр Дзядок паведаміў Радыё «Свабода», што скаргу на катаванні падчас ягонага затрымання праваахоўныя органы не задаволілі. Следчы камітэт адмовіўся праводзіць праверку.

Мікола ўжо два месяцы знаходзіцца пад вартай у СІЗА на вуліцы Валадарскага ў Менску праз абвінавачанне ў падрыхтоўцы масавых беспарадкаў.

«Учора прайшло роўна 2 месяцы з дня затрымання. Яго павінны былі альбо выпусціць, альбо пачаць працэс. Ні таго, ні другога не адбылося. З гэтага выснова, што арышт працягнулі. На які тэрмін – невядома, дакументаў мы пакуль ня бачылі», – сказаў бацька Міколы Аляксандр Дзядок.

«Апошняя апора ўладаў». Як ГУБАЗіК пераўтварыўся ў адзін з галоўных органаў палітычнага пераследу

Публіцыста і актывіста анархісцкага руху Міколу Дзядка затрымалі 12 лістапада ў пасёлку Сасновы Асіповіцкага раёну. У той самы дзень у МУС заявілі, што «супрацоўнікі ГУБАЗіК МУС затрымалі 32-гадовага менчука Мікалая Дзядка, які на працягу некалькіх гадоў адміністраваў радыкальны тэлеграм-канал «Мiкоlа», дзе публічна заклікаў да ўдзелу ў масавых беспарадках і сілавых акцыях «прамога» дзеяння».

Мікалая Дзядка душылі падушкай, труцілі газам, збівалі і пагражалі гвалтам

На апублікаваным прэс-службай ведамства відэа Мікалай Дзядок выглядаў моцна пабітым. Дзядка вінавацяць у арганізацыі дзеянняў, якія груба парушаюць грамадскі парадак (артыкул 342 КК). Сам актывіст не прызнае сябе вінаватым.

ДР belsat.eu

 

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
 
 
 

РЕКЛАМА

Архив (Разное)

РЕКЛАМА

© 2021 21.by