У Эстоніі можа зьявіцца першая ў гісторыі гэтай краіны прэм’ерка

Источник материала: Свабода

Прэзыдэнтка Эстоніі Керсьці Кал'юлайд прапанавала лідэрцы апазыцыйнай правацэнтрысцкай Партыі рэформаў Каі Калас сфармаваць наступны ўрад. Пра гэта паведамляе Reuters .

Дзейны прэмʼер-міністар краіны Юры Ратас падаў у адстаўку ў сувязі са скандалам, зьвязаным з выдачай дзяржаўнага крэдыту гандляру нерухомасьцю.

Для таго, каб узначаліць урад, Калас спатрэбіцца атрымаць падтрымку большасьці ў парлямэнце.

ГЛЯДЗІЦЕ ТАКСАМА:

Лібэралка, патрыётка і першая жанчына, якая ўзначаліць урад Эстоніі. Цікавыя факты пра Каю Калас

На выбарах у 2019 годзе Партыя рэформаў на чале з Калас набрала адносную большасьць галасоў. Аднак Юры Ратас, кіраўнік партыі «Цэнтар», які ўзначальваў урад краіны з 2016 году, здолеў атрымаць падтрымку яшчэ дзьвюх партыяў у парлямэнце і сфармаваць урад.

На працягу 14 дзён кандыдатка ў прэмʼеркі павінная прадставіць парлямэнту сваю праграму дзеяньняў і склад ураду. Калі новы ўрад будзе зацьверджаны, прэзыдэнтка павінная на працягу 10 дзён прыняць рашэньне аб яго зацьвярджэньні.