Зьнікла сувязь з памочніцай Леаніда Судаленкі. Яна мелася ляцець у Вільню. 21.by

Зьнікла сувязь з памочніцай Леаніда Судаленкі. Яна мелася ляцець у Вільню

21.01.2021 22:44 — Разное | Свабода  
Размер текста:
A
A
A

Источник материала: Свабода

«Яе сустракалі ў Вільні прыяцелі, але Тацяна не прыляцела. Яны забілі трывогу. Аказалася, што яна і ня вылецела. Толькі пасьпела даслаць паведамленьне, што на мяне складаюць пратакол. Які, за што — невядома», — паведаміла Свабодзе сяброўка Тацяны.

Сёньня на волю пасьля 72-гадзіннага затрыманьня выйшла Марыя Тарасенка — іншая памочніца праваабаронцы Леаніда Судаленкі. І яе, і праваабаронцу прызналі палітычнымі зьняволенымі.

18 студзеня супрацоўнікі міліцыі затрымалі гомельскага праваабаронцу Леаніда Судаленку. Ён праходзіць па крымінальнай справе па частцы 2 артыкулу 342 Крымінальнага кодэксу (фінансаваньне масавых беспарадкаў). Тры дні праваабаронца быў у ізалятары часовага ўтрыманьня. Сёньня яго перавялі ў гомельскі Сьледчы ізалятар (СІЗА-3).

У пэрыяд пасьля выбараў праваабаронца актыўна дапамагаў удзельнікам мірных акцый, якія трапілі пад перасьлед міліцыі. Ён дапамагаў абскарджваць рашэньні суду, сплачваць дзяржаўную пошліну за скаргі і штрафы. Сродкі на гэта Судаленка выдзеліў са сваёй грашовай міжнароднай прэміі, якую ён атрымаў за абарону правоў чалавека. Пра гэта праваабаронца казаў сам.

5 студзеня на офісе, дзе працуе Судаленка, прайшоў ператрус. Апроч тэхнікі і тэлефонаў, міліцыянты забралі каля 200 асабістых справаў людзей, якія былі пакараныя за ўдзел у акцыях штрафамі і суткамі.

Цяпер у Сьледчы камітэт выклікаюць на допыты сьведак — жыхароў Гомельскай вобласьці, якім дапамагаў Леанід Судаленка.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Зьнікла сувязь з Тацянай Ласіцай — памочніцай гомельскага праваабаронцы Леаніда Судаленкі. Яна мелася сёньня ляцець у Вільню, але блізкім у аэрапорце паведамілі,...
 
 
 

РЕКЛАМА

Архив (Разное)

РЕКЛАМА

© 2021 21.by