Зьняволенаму журналісту Андрэю Аляксандраву прад’явілі абвінавачаньне

Источник материала: Свабода

Па якім менавіта артыкуле абвінавачваюць Аляксандрава, невядома, паколькі адвакатка знаходзіцца пад падпіскай пра неразгалошваньне.

Аднак як паведаміў 15 студзеня намесьнік міністра ўнутраных спраў Генадзь Казакевіч, у дачыненьні да журналіста распачатая справа па ч. 2 арт. 342 Крымінальнага кодэкса (арганізацыя і падрыхтоўка дзеяньняў, што груба парушаюць грамадзкі парадак, альбо актыўны ўдзел у іх). Ён падазраецца ў фінансаваньні пратэстнай дзейнасьці.

«Адчувае Андрэй сябе добра, усё неабходнае ў яго ёсьць, усяго хапае. Сукамернікі цалкам адэкватныя, умовы нармальныя», — адзначыла адвакат.

ГЛЯДЗІЦЕ ТАКСАМА:

Міжнародная арганізацыя Front Line Defenders патрабуе вызваленьня беларускага журналіста Аляксандрава

Андрэй Аляксандраў і яго дзяўчына Ірына Злобіна былі затрыманыя 12 студзеня па падазрэньні ў фінансаваньні пратэстнай дзейнасьці — у прыватнасьці ў тым, што аплачвалі штрафы затрыманых падчас акцый людзей, кампэнсавалі кошт іх утрыманьня ў ЦІП і ізалятарах. Паводле інфармацыі МУС, неабходныя для гэтага сродкі яны атрымлівалі з-за мяжы.

14 студзеня ў офісе БелаПАН, дзе Аляксандраў працаваў намесьнікам дырэктара ў 2014-2018 гадах, прайшоў трохгадзінны ператрус у рамках расьсьледаваньня справы, завшеденай па артыкуле 342 КК у дачыненьні да Аляксандрава. Канфіскаваныя рукапісныя запісы, фінансавая дакумэнтацыя, каля дзесяці жорсткіх дыскаў працоўных кампутараў, жорсткі дыск сэрвэра лякальнай сеткі.

ГЛЯДЗІЦЕ ТАКСАМА:

48 арганізацый выступілі ў абарону зьняволенага журналіста Андрэя Аляксандрава

Беларускія праваабарончыя арганізацыі абвясьцілі Аляксандрава і Злобіну палітычнымі вязьнямі.