Правакатарка з пікета Ціханоўскага распавяла некаторыя падрабязнасці інцыдэнту ў Горадні

Источник материала: Белсат

Алена Кузьміна – правакатарка з пікета Сяргея Ціханоўскага ў Горадні, пагадзілася паразмаўляць з прэсай. «Народнай Волі» ўдалося звязацца з гэтай жанчынай.

Пасля затрымання Сяргея Ціханоўскага інтэрнаўты высветлілі, што правакатаркай апынулася Алена Кузьміна. У сеціве знайшлі і фота з тэлефонным нумарам Алены, на якім «прыемная дзяўчына пышных формаў» прапануе правесці вечар з мужчынам, і нават фігуравала сума, у якую абыдуцца пару гадзінаў з Аленай.

Абноўлена

У Горадні затрымалі Сяргея Ціханоўскага. Людзі прыйшлі да міліцыі. ВІДЭА

2020.05.29 21:10

«Нашай уладзе гэта (маецца на ўвазе збор людзей у цэнтры горада) не трэба было. Арганізатар усяго – ФСБ, а ў мяне былі проста сувязі ў Расеі. Вы разумееце, што я не магу ўсё сказаць, але адмовіцца я не магла. Выставілі ўсё так, як быццам я яму хацела нашкодзіць, але ніхто не падумаў, што ратавала. Лепш так, чым ляжаць закапаным у зямлі», – распавяла Алена пра правакацыю з Сяргеем Ціханоўскім.

– Як на вас выйшла ФСБ?

– Вы такая цікаўная… Адзін хлопец знайшоў, не магу сказаць усё ў падрабязнасцях…

– Вы не змаглі адмовіцца?

– Так, не змагла.

Hавiны

Добрая ў сяброўстве і ў секс-бізнесе. Што вядома пра гарадзенскую «правакатарку» Алену К.

2020.06.15 18:18

– Як думаеце, чаму вам пасля гэтага скандалу не дапамаглі з’ехаць з краіны?

– Не ведаю… Мабыць, тут патрэбна. А наогул, паглядзіце, якая актыўная інтэграцыя. Можа, хутка мы станем Расейскай Федэрацыяй і ўсе канфлікты на гэтым скончацца.

– А як вы асабіста ставіцеся да таго, што адбываецца ў краіне?

– Вось вы ўспомніце гісторыю з Барысам Нямцовым або Аляксеем Навальным. Гэтымі людзьмі можна захапляцца. І паглядзіце, як прыбралі таго ж Нямцова. А што робяць з Навальным… Я шчыра хацела, каб прэзідэнтам стаў Віктар Бабарыка. Разумны інвестар, мэтанакіраваны…

Hавiны

Лукашэнка назваў Ціханоўскага «шалудзівым», а пра Цапкалу сказаў, што ёсць на яго кампрамат

2020.05.29 20:52

СК belsat.eu