На прыхільніка Лукашэнкі, які ў Берасьці ўдарыў мэдыка, завялі крымінальную справу

Источник материала: Свабода

Інцыдэнт зьнялі на відэа калегі лекара. Пацярпелы экіпажу хуткай дапамогі атрымаў закрытую чэрапна-мазгавую траўму.

«Паміж пацыентам і мэдычнай брыгадай завязаўся канфлікт з нагоды палітычных поглядаў. Па прыезьдзе берасьцеец на вуліцы ўдарыў спачатку аднаго лекара, а ў холе — іншага. Выхадку пацыента спыніў міліцыянт», — спасылаецца Tut.by на паведамленьне МУС.

ГЛЯДЗІЦЕ ТАКСАМА:

«Супраць Лукашэнкі?» Мужчына ў Берасьці ўдарыў мэдыка ў твар. Міліцыя вядзе праверку

Лекар Андрэй Ракала раней расказаў, што 5 студзеня на станцыю патэлефанавалі зь міліцыі і паведамілі, што на прыпынку ляжыць мужчына з прыкметамі алькагольнага ап’яненьня. Да яго выехала брыгада.

«Ён ехаць не хацеў. Але мы ня можам пакінуць зімой на вуліцы чалавека з траўмамі і прыкметамі ап’яненьня — абавязаны адвезьці яго ў шпіталь. Ён адмаўляўся. Ад агляду таксама. Супрацоўнікі міліцыі з намі не паехалі. Ён казаў, як любіць прэзыдэнта, міліцыю, якія ўсе малайцы. Мы проста маўчалі».

ГЛЯДЗІЦЕ ТАКСАМА:

Траўмаваны п’яным прыхільнікам Лукашэнкі лекар расказаў пра здарэньне 5 студзеня

Мужчыну прывезьлі ў лякарню. Там ён спачатку ўдарыў фэльчара па назе, давялося выклікаць міліцыю. А потым стукнуў Андрэю па твары. Была зафіксаваная чэрапна-мазгавая траўма, ён быў вымушаны пайсьці на бальнічны.

55-гадовы мужчына раней працаваў кіроўцам школьнага аўтобусу. Пасьля інцыдэнту яго звольнілі.