Вольныя купалаўцы здзейснілі мару 87-гадовай пенсіянеркі, асуджанай за нацыянальны сцяг. 21.by

Вольныя купалаўцы здзейснілі мару 87-гадовай пенсіянеркі, асуджанай за нацыянальны сцяг

22.02.2021 22:12 — Разное | Белсат  
Размер текста:
A
A
A

Источник материала: Белсат

Надоечы мы расказалі гісторыю 87-гадовай спадарыні Елізаветы, якая цудам выжыла ў вайну, але яе судзілі за бела-чырвона-белы сцяг у сучаснай Беларусі.

https://blstv.eu/programs/za-stsyag-asudzili-87-gadovuyu-pensiyanerku-a-shmatdzetnuyu-matsi-adpravili-na-akrestsina/

Пасля выбараў яе моцна абразіла, што галасы беларусаў скралі на выбарах, і яна не змагла маўчаць. Выйшла на вуліцу на знак пратэсту! А пасля гібелі Рамана Бандарэнкі – зладзіла адзіночны пікет з ягоным партрэтам. Асабліва ўразіў Елізавету ўчынак Паўла Латушкі і вольных купалаўцаў, якія паўсталі супраць падману і гвалту. Яна марыла паціснуць ім руку. Пагатоў, з маладосці спадарыня Елізавета была не толькі прафесійнай спартоўкаю, але і апантанаю тэатралкай.

Вольныя купалаўцы віншуюць спадарыню Елізавету. Фота: Белсат

А вольныя купалаўцы адгукнуліся – і завіталі ў госці да спадарыні Елізаветы, зрабілі ёй падарункі, праспявалі песні. Падтрымалі шаноўную беларуску, цудам ацалелую ў Другую сусветную вайну, але асуджаную ў сучаснай Беларусі за бела-чырвона-белы сцяг.

Вольныя купалаўцы і спадарыня Елізавета. Фота: Белсат

«Купалаўцы – гэта сімвал Незалежнасці! Я неверагодна расчуленая! Не чакала, што паўтэатру завітае да мяне ў госці», – усцешана дзеліцца гераіня.

Ствараючы разам маленькія цуды адно для аднаго, мы здзяйсняем вялікі супольны цуд для нашай краіны! Дзякуй вольным купалаўцам і нашым неабыякавым гледачам, што ажыццявілі мару спадарыні Елізаветы.

Калі сярод вас ёсць тыя, хто хацеў бы падзяліцца ўласнымі гісторыямі або падтрымаць нашых герояў (гэта можна зрабіць як публічна, так і ананімна), – звярніцеся да нас: belarus2belarus@gmail.com.

І памятайце: беларус беларусу – любоў, падтрыманне і перамога.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Перажыла вайну, а ў сучаснай Беларусі атрымала штраф за сцяг.
 
 
 

РЕКЛАМА

Архив (Разное)

РЕКЛАМА

© 2021 21.by