«Больш няма на каго вешаць». Жыхарку Гомеля асудзілі на 75 сутак. 21.by

«Больш няма на каго вешаць». Жыхарку Гомеля асудзілі на 75 сутак

23.02.2021 21:48 — Разное | Свабода  
Размер текста:
A
A
A

Источник материала: Свабода

«Мне Дзьмітрый Кротаў — міліцыянт з Навабеліцкага РАУС, заявіў, што „больш няма на каго вешаць, апроч яе, бо ў некаторых дзеці, а іншыя зьехалі за мяжу“. Так ён патлумачыў тое, што Насьцю ў чарговы раз пакаралі арыштам. Суд быў учора. Ні я, ні адвакат пра яго ня ведалі», — распавяла Алена, маці Анастасіі.

Анастасію судзяць, паводле маці, за нейкія здымкі зь бел-чырвона-белым сьцягам і па паказаньнях чалавека, які сьцьвярджае, што дзяўчына ўдзельнічала ў «партызанінгу».

«Міліцыянт заявіў, што ў іх ёсьць нібыта дзесяць эпізодаў на дачку, і па кожным яны будуць даваць па 15 сутак», — расказала яе маці.

«У мяне дома і дзядулі Насьці — вэтэрана, праводзілі вобшукі. 6 лютага дачка выйшла з першых 15 сутак, а 8 лютага яе зноў забралі, і з таго часу толькі дадаюць чарговыя суткі! Яе дапытвалі ў міліцыі: „Каго ты ведаеш, дай паказаньні на іншых, здай раённы сьцяг“. Але калі яна не ведае, дзе сьцяг, калі яна не ведае — хто тыя людзі, якія стаялі са сьцягамі? Яна не можа здаць людзей міліцыянту, бо ня ведае іх, а ён — злуецца! І дае чарговыя суткі», — зазначыла маці.

Кожны раз яна сутыкаецца з цяжкасьцямі пры перадачах дачкі.

«То яблыкі не бяруць, то пернікі, то кнігі. Паперу для яе не ўзялі, лісты не даходзяць... адзін да мяне дайшоў, ад Насьці, яна піша на чацьвёртай частцы аркуша, што ў яе няма паперы...», — дадала Алена.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Чарговы арышт на месяц атрымала жыхарка Гомеля Анастасія Перавошчыкава. Яна ўжо была асуджаная на 15 сутак па тры разы. Цяпер — яшчэ два разы па 15 дзён. Агулам...
 
 
 

РЕКЛАМА

Архив (Разное)

РЕКЛАМА

© 2021 21.by