Менчука асудзілі на 15 сутак за аркуш паперы на бальконе. На Акрэсьціна ў яго здарыўся сардэчны прыступ. 21.by

Менчука асудзілі на 15 сутак за аркуш паперы на бальконе. На Акрэсьціна ў яго здарыўся сардэчны прыступ

25.02.2021 11:36 — Разное | Свабода  
Размер текста:
A
A
A

Источник материала: Свабода

31 студзеня дадому да Аляксандра Майбарады прыйшлі супрацоўнікі Ленінскага РУУС Менска. Прычынай стаў ліст паперы А4 на бальконе, на якім пасярэдзіне была чырвоная паласа, піша праваабарончы тэлеграм-канал «Вясна назірае».

Мужчыну павезьлі ў РУУС, дзе склалі пратакол паводле арт. 23.34 КаАП, у якім пазначылі, што ў яго на акне вісіць бел-чырвона-белае палатно памерам 30×40 см.

З РУУС Аляксандра адвезьлі ў турму на Акрэсьціна, дзе ў яго здарыўся сардэчны прыступ. На аўтамабілі хуткай дапамогі яго тэрмінова даставілі ў шпіталь. А 24 лютага менчука выклікалі ў суд па позьве.

Паводле Майбарады, участковым было «ўсё роўна, каго прыцягваць да адміністрацыйнай адказнасьці». Яны прасілі любога паўналетняга зь іх сям’і праехаць зь імі ў аддзяленьне. У выніку паехаў сам Аляксандар.

На судзе высьветлілася, што матэрыялы справы міліцыянты аформілі са шматлікімі памылкамі. Сярод іншага ў пратаколе агляду не было подпісу самога Майбарады. Але судзьдзя Ленінскага суду Менску Марына Клімчук не прыняла гэтыя абставіны пад увагу і асудзіла Аляксандра на 15 дзён арышту.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
15 дзён арышту за аркуш паперы на бальконе — менчука асудзілі па пратаколе, у якім не было ягонага подпісу.
 
 
 

РЕКЛАМА

Архив (Разное)

РЕКЛАМА

© 2021 21.by