У Берасьці затрыманы муж заснавальніцы незалежнага сайту

Источник материала: Свабода

Супраць Паўла Гарашчанкі — мужа выдаўца незалежнага сайту «Бинокль”» Дар’і Гарашчанкі — распачалі крымінальную справу. Павел затрыманы на 72 гадзіны.

«Сёньня ў іх дома і ў офісе фірмы мужа быў ператрус. Падрабязнасьцяў і вынікаў пакуль няма, муж пабываў на допыце і цяпер затрыманы», — расказала «Эўрарадыё» галоўная рэдактарка «Бинокля”» Ксенія Пятровіч.

ГЛЯДЗІЦЕ ТАКСАМА:

«Зламалі палец, пырснулі з балёнчыка і абвінавацілі ў нападзе» — у Віцебску хвораму на анкалёгію інваліду далі 3,5 года турмы

26 студзеня да «Бинокля”» прыйшлі супрацоўнікі Дэпартамэнту фінансавых расьсьледаваньняў. Былі праведзеныя «агляды» ў межах праверкі. Па выніках былі канфіскаваныя дакумэнты, пячаткі, кампутары, смартфоны, флэшкі, нататнік. На падставе матэрыялаў праверкі сьледчыя вырашалі, ці ёсьць падставы для завядзеньня крымінальнай справы. Выглядае на тое, што вырашылі: ёсьць.

Сайт і Тэлеграм-канал «Бинокля”» не абнаўляюцца з канца студзеня — у рэдакцыі няма тэхнічнай магчымасьці гэта рабіць.