У Гомлі АМАП затрымаў выкладчыцу ўнівэрсытэт: «Маму ўдарылі ў твар, нас зьбілі з ног». 21.by

У Гомлі АМАП затрымаў выкладчыцу ўнівэрсытэт: «Маму ўдарылі ў твар, нас зьбілі з ног»

Размер текста:
A
A
A

Источник материала: Салiдарнасць

Радыё Свабода стала вядома аб затрыманьні ў Гомлі выкладчыцы Беларускага дзяржаўнага ўнівэрсытэту транспарту Валерыі Дзяцук. Яна — кандыдат хімічных навук, выкладае экалёгію.

Выглядае, што 66-гадовую жанчыну затрымалі за камэнтар у Тэлеграм, але дакладна сваякам ніхто нічога не тлумачыў.

— Ранкам 7 сакавіка ў кватэру пазванілі. Дзьверы адчыніў тата — і ў хату ўварваліся пяць чалавек. Закрычалі: «Усім ляжаць, працуе АМАП!». Маці, тату і мяне зьбілі з ног, паклалі тварам у падлогу. Нічога не тлумачылі абсалютна, сказалі толькі: «Мы яе забіраем». Маму ўдарылі ў твар — мне падалося, яна адразу страціла прытомнасьць. Яна была яшчэ ў начной бялізьне, ёй нават не давалі адзецца — маўляў, толькі пры нас, а то нож схавае пад вопратку. Калі выводзілі, яна плакала, — распавёў Сяргей, сын затрыманай.

Паводле Сяргея, у маці адразу забралі смартфон і нешта на ім сфатаграфавалі:

— Пазьней я даведаўся, што яны сфатаграфавалі камэнтар маці, які яна пакінула пад нейкім відэа на нейкім Тэлеграм-канале. Што ёй інкрымінуюць — дагэтуль невядома.

Жыхар Гомля гаворыць, што яго амапаўцы аднесьлі ў іншы пакой, дзе зь ім размаўляў невядомы, які прадставіўся начальнікам аддзелу.

— Ён сказаў, што асабіста за нас узяўся, і мы ўсе будзем сядзець. За што — не зразумела... У ІЧУ, дзе яна цяпер знаходзіцца, ад мяне ўзялі толькі цёплую вопратку — прадукты адмовіліся браць, — дадаў Сяргей.

9 сакавіка Валерыю павінны судзіць, аднак па-ранейшаму невядома, за што і а якой гадзіне. Таксама Сяргей гаворыць, як чуў, што ў дачыненьні да маці могуць пачаць крымінальную справу паводле артыкулу 130 «Распальваньне расавай, нацыянальнай, рэлігійнай альбо іншай сацыяльнай варожасьці» і перавесьці ў СІЗА.

Раней Валерыю Дзяцук не затрымлівалі.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
 
 
 

РЕКЛАМА

Архив (Разное)

РЕКЛАМА

© 2021 21.by