Украіна і Польшча тэрмінова абмеркавалі пагрозы бясьпецы ў рэгіёне з поўначы і ўсходу. 21.by

Украіна і Польшча тэрмінова абмеркавалі пагрозы бясьпецы ў рэгіёне з поўначы і ўсходу

08.04.2021 17:48 — Разное | Свабода  
Размер текста:
A
A
A

Источник материала: Свабода

«Абмяркоўвалі пагрозы бясьпецы ў Эўропе ў сувязі з эскаляцыяй напружанасьці ўздоўж паўночнай і ўсходняй мяжы Ўкраіны і ў акупаваным Крыме, а таксама будаўніцтва трубаправоду «Паўночны паток-2», — паведамляецца на афіцыйнай старонцы Міністэрства замежных спраў Польшчы ў Twitter (на поўначы Ўкраіна мяжуе зь Беларусьсю, а на ўсходзе — з Расеяй. — РС).

Міністар замежных спраў Украіны на сваёй старонцы ў Twitter паведаміў, што гэтая сустрэча павінна была адбыцца пазьней, але польскі бок скарэктаваў пляны. «Мэта (сустрэчы) — умацаваньне ўкраінска-польскага стратэгічнага партнэрства на тле абвастрэньня Расеяй сытуацыі па бясьпецы».

Польскі міністар запэўніў, што Ўкраіна — не самотная ў абароне свайго сувэрэнітэту, тэрытарыяльнай цэласнасьці і непарушнасьці межаў.

Пазьней прэсавая служба Міністэрства замежных спраў Украіны паведаміла, што Дзьмітро Кулеба і Зьбігнеў Раў дамовіліся кансалідаваць дзеяньні па міжнароднай падтрымцы Ўкраіны ў супрацьдзеяньні расейскай агрэсіі, а таксама паглыбіць вайскова-палітычную супрацу. Асобна на сустрэчы абмеркавалі будучае старшынства Польшчы ў АБСЭ.

Пакуль што бакі не паведамляюць, ці абмяркоўвалася беларускае пытаньне і ў якім кантэксьце.

Сёлета ў студзені ў дыстанцыйным рэжыме адбылася сустрэча міністраў замежных спраў Украіны, Польшчы і Літвы пры ўдзеле Сьвятланы Ціханоўскай. Пасьля гэтай сустрэчы Дзьмітро Кулеба заявіў, што Люблінскі трохкутнік, заснаваны летась Украінай, Польшчай і Літвой, адкрыты да супрацы зь Беларусьсю.

Аляксандар Лукашэнка неаднаразова абвінавачваў Польшчу, Літву і Ўкраіну ў дэстабілізацыі сытуацыі ў Беларусі.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Міністры замежных спраў Украіны і Польшчы Дзьмітро Кулеба і Зьбігнеў Раў правялі сёньня ў Кіеве тэрміновую сустрэчу.
 
 
 

РЕКЛАМА

Архив (Разное)

РЕКЛАМА

© 2021 21.by