Амбасадарцы ЗША дагэтуль не далі беларускай візы. 21.by

Амбасадарцы ЗША дагэтуль не далі беларускай візы

18.04.2021 15:12 — Разное | Свабода  
Размер текста:
A
A
A

Источник материала: Свабода

Амбасадарка Злучаных Штатаў Амэрыкі ў Беларусі Джулі Фішэр ня можа прыехаць у Менск, бо ў яе дагэтуль няма беларускай візы, паведамляе «Эўрарадыё».

«З новага году я вельмі спадзявалася прызямліцца ў Менску. Я была зацьверджана [на пасаду амбасадара] ў канцы сьнежня Сэнатам. Але на сёньня мне яшчэ не атрымалася прыехаць у Менск. ЗША, са свайго боку, гатовыя. Я была гатовая, і мы чакаем ад беларускага боку адпаведных дзеяньняў», — заявіла Фішэр.

Найбліжэйшым часам амбасадарка плянуе наведаць Вільню і Варшаву, каб наўпрост узаемадзейнічаць з тымі саюзьнікамі, якія падзяляюць заклапочанасьць падзеямі ў Беларусі.

У сакавіку ў час Форуму Каліноўскага ў Вільні Джулі Фішэр выказала моцную падтрымку Вашынгтону для ініцыятывы Сьвятланы Ціханоўскай прагаласаваць за перамовы паміж апазыцыяй і ўладай. Фішэр таксама заклікала ўлады вызваліць усіх палітвязьняў і сесьці за стол перамоваў з апазыцыяй наконт правядзеньня справядлівых выбараў сёлета.

Джулі Фішэр — кар’ерная дыпляматка, да прызначэньня ў Беларусь займала пасаду намесьніцы памочніка дзяржсакратара ЗША ў пытаньнях Заходняй Эўропы і Эўрапейскага Зьвязу.

Раней яна была часовай паверанай у справах у амбасадзе ЗША ў Расеі, намесьніцай кіраўніка місіі ЗША ў NATO, намесьніцай дырэктара офісу генэральнага сакратара NATO, дарадцай у палітычных і эканамічных справах у амбасадзе ЗША ў Грузіі, а таксама займала адміністрацыйныя пасады ў Дзяржаўным дэпартамэнце ЗША.

Фішэр атрымала ступень бакаляўра ва Ўнівэрсытэце Паўночнай Караліны і ступень магістра ў Прынстанскім унівэрсытэце. Яна валодае расейскай, францускай і грузінскай мовамі.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Джулі Фішэр сказала, што прычына ў дзеяньнях афіцыйнага Менску.
 
 
 

РЕКЛАМА

Архив (Разное)

РЕКЛАМА

© 2021 21.by