Натальля Качанава: «Дэкрэт аб абароне сувэрэнітэту трэба было прымаць, каб паказаць, што ніхто не трымаецца дрыготкімі рукамі за ўладу». 21.by

Натальля Качанава: «Дэкрэт аб абароне сувэрэнітэту трэба было прымаць, каб паказаць, што ніхто не трымаецца дрыготкімі рукамі за ўладу»

09.05.2021 15:24 — Разное | Свабода  
Размер текста:
A
A
A

Источник материала: Свабода

Старшыня Савета Рэспублікі Натальля Качанава ў этэры тэлеканалу «Беларусь 1» патлумачыла прычыну падпісаньня Лукашэнкам 9 траўня дэкрэту № 2 «Аб абароне сувэрэнітэту і канстытуцыйнага ладу».

«Мір, спакой, гарантыі — гэта ўсё тое, што было забясьпечана ў нашай краіне заўсёды. Але зьявіліся сілы, якія хочуць умяшацца ў жыцьцё нашай краіны, нашага народа. І таму, напэўна, відавочна, гэты дэкрэт, дай бог, каб яго не давялося рэалізоўваць, трэба было прымаць дзеля таго, каб паказаць, што ніхто тут сёньня не трымаецца дрыготкімі рукамі за ўладу».

Па словах Качанавай, улады «хочуць зрабіць усё, каб у краіне былі мір і спакой», а таксама каб «нашы людзі ніколі ня зьведалі тых жахаў, якія яны спазналі шмат гадоў таму».

Дэкрэт, падпісаны Лукашэнкам 9 траўня, прадугледжвае, што «ў выпадку гібелі кіраўніка дзяржавы з прычыны замаху, зьдзяйсьненьня акту тэрарызму, зьнешняй агрэсіі, іншых гвалтоўных дзеяньняў усе дзяржаўныя органы і іх службовыя асобы дзейнічаюць у адпаведнасьці з рашэньнямі Рады бясьпекі, на пасяджэньнях якой старшынюе прэм’ер-міністар». На тэрыторыі краіны ў такім выпадку неадкладна ўводзіцца надзвычайнае або ваеннае становішча, а Радай бясьпекі вызначаецца пералік захадаў па яго забесьпячэньні.

Акрамя таго, згодна з дэкрэтам, Рада бясьпекі з удзелам старшыняў аблвыканкамаў прыме рашэньне аб правядзеньні выбараў.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Дзяржаўная чыноўніца, якая раней узначальвала Адміністрацыю Лукашэнкі, патлумачыла, чаму выйшаў дэкрэт № 2 «Аб абароне сувэрэнітэту і канстытуцыйнага ладу».
 
 
 

РЕКЛАМА

Архив (Разное)

РЕКЛАМА

© 2021 21.by