Пляменьнікі прэзыдэнта Таджыкістану пасьля сьмерці іх маці ад COVID-19 пабілі Міністра аховы здароўя. 21.by

Пляменьнікі прэзыдэнта Таджыкістану пасьля сьмерці іх маці ад COVID-19 пабілі Міністра аховы здароўя

26.07.2021 22:34 — Разное |  
Размер текста:
A
A
A

Источник материала:

Пра гэта паведамляе таджыцкая служба Радыё Свабода са спасылкай на крыніцы ва ўрадзе. Інцыдэнт, як сьцьвярджаецца, адбыўся ўвечары 20 ліпеня, адразу пасьля сьмерці 64-гадовай сястры кіраўніка дзяржавы.

Паводле крыніц, сястра прэзыдэнта лячылася ад каранавірусу ў мэдычным цэнтры пры выканаўчым апараце прэзыдэнта Таджыкістану. Спэцыяльна для яе запрасілі спэцыялістаў зь Нямеччыны, Расеі і Ўзбэкістану: яны за дзьве гадзіны да сьмерці сястры прэзыдэнта назвалі няправільнымі мэтады лячэньня мясцовых лекараў.

«Гэтае заключэньне выклікала лютасьць і абурэньне дзяцей (сястры прэзыдэнта. — РС), якія адразу пасьля сьмерці маці напалі на лекараў і прысутных мэдыкаў-чыноўнікаў. Супакоіць іх здолеў толькі Рустам Эмамалі, старэйшы сын прэзыдэнта», — сьцьвярджае суразмоўца Свабоды.

Больш за ўсё пацярпеў міністар аховы здароўя і сацыяльнай абароны насельніцтва Абдулазода — ён нібыта атрымаў моцны ўдар у сківіцу, у кіраўніка мэдычнага цэнтру — траўма галавы. Лекары атрымалі лёгкія траўмы, паведамілі журналістам крыніцы ў МУС і Міністэрстве аховы здароўя.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Трое сыноў сястры прэзыдэнта Таджыкістану Эмамалі Рахмона жорстка зьбілі кіраўніка Міністэрства аховы здароўя Джамалідзіна Абдулазоду.
 
 
 


Архив (Разное)