Пачаўся суд над Калесьнікавай і Знакам; затрымалі грамадазнаўцаў Мацкевіча і Вадаласкую. Найважнейшае за 4 жніўня. 21.by


Пачаўся суд над Калесьнікавай і Знакам; затрымалі грамадазнаўцаў Мацкевіча і Вадаласкую. Найважнейшае за 4 жніўня

04.08.2021 22:48 — Разное |  
Размер текста:
A
A
A

Источник материала:

У Менскім абласным судзе пачаўся працэс над паплечнікамі Віктара Бабарыкі і сябрамі асноўнага складу Каардынацыйнай рады Марыяй Калесьнікавай і Максімам Знакам.

Сёньня былі затрыманыя некалькі вядомых грамадазнаўцаў і грамадзкіх дзеячоў — Уладзімер Мацкевіч, Тацяна Вадалаская, Улад Вялічка, Юрась Меляшкевіч.

Спартоўка Крысьціна Ціманоўская сёньня прыляцела з Токіё ў Вену, а пазьней — зь Вены ў Варшаву.

4 жніўня ў судзе Маскоўскага раёну Берасьця вынесьлі прысуд сёмай групе абвінавачаных ва ўдзеле летась 13 верасьня ў карагодзе на скрыжаваньні бульвару Касманаўтаў і праспэкту Машэрава.

У Беларусі не спыняецца крымінальны перасьлед грамадзян за ўдзел у пратэстах супраць дзейнай улады.

Найбольш важная роля ў арганізацыі пратэстаў у Беларусі належыць ЗША, заявіў старшыня Камітэту дзяржаўнай бясьпекі Іван Тэртэль.

Прэзыдэнт Украіны Ўладзімір Зяленскі даручыў Службе бясьпекі і Міністэрству ўнутраных справаў забясьпечыць безумоўную абарону беларускім палітычным уцекачам.

На памежным пункце Радзівону Батуліну, намесьніку кіраўніка «Беларускага дому ва Ўкраіне», паведамілі пра забарону на ўезд ва Ўкраіну тэрмінам на 3 гады.

У літоўскім аддзяленьні міжнароднай дабрачыннай арганізацыі заяўляюць, што апошні загад МУС Літвы не адпавядае шэрагу міжнародных законаў.

Памежны камітэт Беларусі паведаміў пра гібель іракца на беларуска-літоўскай мяжы. Улады Літвы: «Гэта правакацыя і казкі братоў Грым».

Літва прапануе паглыбіць галіновыя санкцыі супраць Беларусі.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
 
 
 


Архив (Разное)