Мін’юст хоча ліквідаваць «Гавары праўду». 21.by

Мін’юст хоча ліквідаваць «Гавары праўду»

18.09.2021 22:39 — Разное |  
Размер текста:
A
A
A

Источник материала:

Вярхоўны суд разгледзіць пазоў пра ліквідацыю «Гавары праўду» 5 кастрычніка, перадае «Интерфакс-Запад».

«Гавары праўду» — грамадзкая кампанія, распачатая 25 лютага 2010 году. Яе ініцыятар — вядомы беларускі паэт Уладзімер Някляеў, які быў адным з кандыдатаў на прэзыдэнцкіх выбарах 2010 году. У красавіку 2015 году Някляеў пакінуў кампанію, яе новым кіраўніком стаў Андрэй Дзьмітрыеў. Ён быў кандыдатам у прэзыдэнты ў 2020 годзе.

13 ліпеня стала вядома, што Мін’юст пачаў пазаплянавую праверку дзейнасьці «Гавары праўду». 15 ліпеня сілавікі правялі ў офісе арганізацыі вобшук.

12 жніўня Андрэя Дзьмітрыева дапыталі ў рамках крымінальнай справы. Якой — ён ня можа назваць праз падпіску аб невыдаваньні.

«Гавары праўду» зарэгістраваная як грамадзкая арганізацыя, аднак сёлета Андрэй Дзьмітрыеў абвясьціў намер стварыць на яе базе палітычную партыю.

30 ліпеня Лукашэнка заявіў, што «пад выглядам дабрачыннасьці некамэрцыйныя арганізацыі адпрацоўваюць чужую палітычную замову». Ён сказаў, што розных недзяржаўных фондаў, прыватных установаў, праваабарончых арганізацый у Беларусі было паўтары тысячы.

«У выніку праведзеных мерапрыемстваў выдзелена 185 дэструкцыйных структураў, якія нясуць патэнцыйную пагрозу нацыянальнай бясьпецы, у тым ліку прадстаўніцтва замежнай некамэрцыйнай арганізацыі, 71 рэспубліканскае і мясцовае грамадзкае аб’яднаньне, 113 установаў», — сказаў Лукашэнка на нарадзе з чыноўнікамі.

Зь сярэдзіны ліпеня ў Беларусі адбываецца масавая ліквідацыя недзяржаўных арганізацыяў. Геаграфія зьліквідаваных уладамі ўстановаў ахапіла практычна ўсю Беларусь.

Пад пагрозай існаваньне дзясяткаў асьветніцкіх, праваабарончых, дабрачынных, спажывецкіх, дасьледчых і іншых арганізацыяў. Прадстаўнікоў установаў затрымліваюць, праводзяць у іх дома і ў офісах ператрусы, арыштоўваюць рахункі.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Вярхоўны суд разгледзіць пазоў пра ліквідацыю «Гавары праўду» 5 кастрычніка.
 
 
 


Архив (Разное)