Што вядома пра затрыманых супрацоўнікаў «Гродна Азоту». 21.by

Што вядома пра затрыманых супрацоўнікаў «Гродна Азоту»

24.09.2021 — Разное |  
Размер текста:
A
A
A

Источник материала:

Шэсьць затрыманых работнікаў «Гродна Азоту» застаюцца пад вартай у СІЗА КДБ. Да некаторых здолеў трапіць адвакат, ім перадалі перадачы, піша Радыё Свабода.

Затрыманьні азотаўцаў ішлі з 19 па 23 верасьня. На 24 верасьня вядома, што пад вартай засталіся шэсьць былых і дзейных работнікаў «Гродна Азоту»:

  1. Сяргей Шэлест, былы апаратчык цэху «Аміяк-3»;
  2. Андрэй Пагярыла, былы сьлесар-рамонтнік цэху «Аміяк-3»;
  3. Уладзімер Жураўка, былы апэратар ДПУ цэху «Аміяк-3»;
  4. Андрэй Башан, работнік цэху «Аміяк-3»;
  5. Валянцін Цераневіч, памочнік майстра на заводзе «Хімвалакно» (які ўваходзіць у склад «Гродна Азоту»), намесьнік старшыні Беларускага незалежнага прафсаюзу «Гродна Азоту»;
  6. Вадзім Яфіменка, супрацоўнік «Хімвалакна».

Як паведаміла крыніца з «Гродна Азоту», усіх перавялі ў СІЗА КДБ. Цяпер заключаюць дамовы з адвакатамі, нехта пагадзіўся на дзяржаўнага абаронцу. Адвакаты пад падпіскай аб неразгалошваньні. Сваякі паехалі ў Менск, каб перадаць затрыманым перадачы.

Што вядома пра затрыманых супрацоўнікаў «Гродна Азоту»

Сяргей Шэлест

Наколькі вядома, абвінавачаньняў яшчэ не прад’яўлялі. Прычына затрыманьня азотаўцаў невядомая.

Што вядома пра затрыманых супрацоўнікаў «Гродна Азоту»

Сяргей Шэлест, Андрэй Пагярыла, Аляксей Сідар

Чацьвёра з затрыманых працавалі ў «самым пратэставым» цэху прадпрыемства «Аміяк-3». Менавіта там найбольш работнікаў летась у кастрычніку адмовіліся заступаць на зьмену, каб вымусіць кіраўніцтва паступова спыніць вытворчасьць. Аднак гэтага не атрымалася.

Траіх звольнілі летась у лістападзе: Шэлеста, Пагярылу і Жураўку. Першыя двое спрабавалі аднавіцца на працы праз суд разам яшчэ з 11 калегамі, але прайгралі.

Пра Шэлеста і Пагярылу гарадзенцы пачулі, калі тыя год таму павесілі бел-чырвона-белы сьцяг на тэлевізійную вежу ў Горадні. За гэта адседзелі па 10 содняў.

Двое затрыманых, Цераневіч і Яфіменка, працавалі на заводзе «Хімвалакно», які ўваходзіць у склад «Гродна Азоту», але займаецца іншай вытворчасьцю.

Што вядома пра затрыманых супрацоўнікаў «Гродна Азоту»

Яшчэ чатырох работнікаў «Азоту» выпусьцілі пасьля затрыманьня. Гэта Рыгор і Арцём Рубаны, Дзьмітры Ільюшчанка, Аляксей Сідар. Яны пад падпіскай аб неразгалошваньні.

Адначасна з азотаўцамі затрымалі работнікаў БМЗ Аляксандра Гашнікава, Дзьмітрыя Елісеева і Сьвятлану Зыль (былая работніца), супрацоўнікаў Беларускай чыгункі Ганну Аблаб і Сяргея Дзюбу, работніка МТЗ Дзьмітрыя Колбіка. Амаль усе яны таксама ў «амэрыканцы», за выключэньнем Елісеева — ён у СІЗА Гомля, і Колбіка — ён на «Валадарцы».

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Шэсьць затрыманых работнікаў «Гродна Азоту» застаюцца пад вартай у СІЗА КДБ.
 
 
 


Архив (Разное)