Беларусь разлічвае на пастаўкі нафты з Азербайджана па своп-схеме

Источник материала:

Аб гэтым заявіў кіраўнік беларускай дзяржавы Аляксандр Лукашэнка на сустрэчы з прэзідэнтам Дзяржаўнай нафтавай кампаніі Азербайджана Раўнагам Абдулаевым, перадае БЕЛТА.

Аляксандр Лукашэнка вітаў кіраўніка Дзяржаўнай нафтавай кампаніі Азербайджана як пасланца свайго лепшага сябра Ільхама Аліева. Беларускі лідар папрасіў перадаць Прэзідэнту Азербайджана самыя цёплыя словы і чарговую ўдзячнасць за тое, што ў цяжкія часы ён не адышоў убок і дапамагаў Беларусі. "Мы гэта помнім, будзем помніць заўсёды і будзем старацца рабіць так у перспектыве, як гэта лепш і зручней для Азербайджана", — падкрэсліў кіраўнік беларускай дзяржавы.

Аляксандр Лукашэнка пры гэтым падкрэсліў, што бакі вядуць перагаворы не супраць кагосьці, а развіваюць супрацоўніцтва па выгадных эканамічных праектах. — Я маю на ўвазе пастаўкі ў Беларусь, на нашы НПЗ, азербайджанскай нафты, — заявіў кіраўнік дзяржавы. — Мы гэты не скрываем, перш за ўсё па своп-схеме. Вы выйграяце дзясяткі долараў на адной тоне, мы таксама выйграём. Я лічу, гэта цалкам зразумела. Размова ідзе аб прапампоўцы вашай нафты на нашы заводы па нафтаправодзе Адэса — Броды з выхадам на "Дружбу".

Аляксандр Лукашэнка падкрэсліў, што Беларусь гатовая разглядаць любыя варыянты супрацоўніцтва з Азербайджанам па вуглевадароднай сыравіне. "Я лічу, пакуль мы пабудуем у сябе заводы па разрэджванні прыроднага газу, Азербайджан будзе на ўзбярэжжы або Грузіі, або Расіі звадкоўваць гэты прыродны газ, як гэта робіць Катар. І мы з задавальненнем будзем атрымліваць у вас прыродны газ", — адзначыў кіраўнік беларускай дзяржавы, дадаўшы, што гэта значна больш выгадна, чым купляць у "Газпрама".

Ён выказаў упэўненасць, што такое супрацоўніцтва будзе выгадным для Азербайджана, і Беларусь перш за ўсё аддае перавагу гэтай краіне. "Але калі мы не дамовімся, мы (Беларусь. — Заўвага БЕЛТА) усё роўна будзем купляць нафту на такіх жа ўмовах у Міжземным, Чорным моры, яшчэ недзе і па замяшчэнні па своп-схеме будзем пастаўляць у Беларусь, — сказаў кіраўнік дзяржавы. — А сваю нафту, якую мы здабываем у Венесуэле і якую купляем, — знойдзем кампанію, якая будзе на рынкі Амерыкі, Паўночнай Амерыкі пастаўляць (гэту нафту. — Заўвага БЕЛТА)".

"Але мы хацелі б, каб мы гэта рабілі са сваімі сябрамі", — падкрэсліў Аляксандр Лукашэнка. У сваю чаргу Раўнаг Абдулаеў адзначыў, што ўжо адбылося абмеркаванне па пытаннях павелічэння тавараабароту і пытанню свопу. "Мы добра папрацавалі і знайшлі рашэнне", — сказаў ён.