Уладзімір Пуцін: Курс Беларусі на эканамічную інтэграцыю з Расіяй заслугоўвае безумоўнай падтрымкі і павагі

Источник материала:

Аб гэтым заявіў прэм'ер-міністр Расіі Уладзімір Пуцін, адказваючы ўчора на пытанні расіян у прамым тэлеэфіры, перадае БЕЛТА.

Расійскі прэм'ер прызнаў, што адносіны паміж кіраўніцтвам дзвюх краін не заўсёды бываюць простымі. "Але трэба сказаць адкрыта: беларускае кіраўніцтва ўзяло сумленны курс на эканамічную інтэграцыю з Расіяй. Гэты выбар, безумоўна, заслугоўвае падтрымкі і павагі", — падкрэсліў Уладзімір Пуцін. "Мы з вялікай павагай ставімся да беларускага народа", — сказаў ён.

Уладзімір Пуцін расказаў, што ў адпаведнасці з нядаўна дасягнутымі дамоўленасцямі ў наступным годзе Расія паставіць у Беларусь 20—21 млн.т сырой нафты бяспошлінна. Пры гэтым пошліны ад продажу беларускіх нафтапрадуктаў за мяжу будуць пералічаны ў расійскі бюджэт. Пры гэтым расійскі бок "пагадзіўся вынесці за дужкі нафту, якая здабываецца ў Беларусі".