Усе колеры вясны

Источник материала:

Святочны падарунак для жанчын падрыхтаваў фотамайстар Міхаіл Маруга
“За паўгадзіны да вясны” — так называецца выстава вядомага фотамастака Міхаіла Маругі, якая дэманструецца ў культурна-дзелавым цэнтры “Дом Масквы” ў Мінску. Радок з вядомай песні ў выкананні Уладзіміра Мулявіна ў назве выставы як нельга лепш характарызуе яе настрой. Дарэчы, Мулявін і сам не раз быў героем фотаработ Міхіла Маругі. Цяпер жа героі, дакладней, гераіні, фотовыставы ў Доме Масквы — выключна жанчыны.
Менавіта яны на фотоработах Міхаіла Маругі, выкананых у жанры партрэту, сапраўды натхняюць і здзі-ўляюць сваёй шматаблічнасцю: жанчыны сціплыя, сур’ёзныя, гуллівыя... У кожнай майстар прыкмеціў яе адметнасць і непаўторнасць. На адкрыцці выставы Міхаіл Маруга сказаў, што жадаў паказаць прыгажосць беларускіх жанчын, якія, як і сама вясна, натхняюць, акрыляюць, уносяць у жыццё яркія фарбы.

Аксана Шыкуць