У суботу ўначы мокры снег і замаразкі

Источник материала:

Сёння ўдзень яшчэ захаваецца цёплае надвор'е, калі ўдзень будзе 12—18 цяпла, а вось ў пятніцу надвор'е істотна сапсуецца, паведаміла рэдакцыі галоўны сіноптык Рэспубліканскага гідраметцэнтра Вольга Фядотава.

Заўтра — дажджы. Уначы плюс 2—8, удзень — 9—16. Ужо ў суботу пахаладае. Кароткачасовыя дажджы, а ўначы па паўночным захадзе магчымы мокры снег. Уначы ад мінус 1 да плюс 6 градусаў, удзень 5—12. Няўстойлівае надвор'е захаваецца і ў нядзелю, калі ўначы будзе ад 2 марозу да 5 цяпла, удзень — ад 5 цяпла па паўночным захадзе да 16 градусаў на паўднёвым усходзе. Уначы кароткачасовыя дажджы. У пачатку наступнага тыдня — чарговая хваля холаду. Уначы ад мінус 4 да плюс 5, удзень — 4—11. Зноў пацяплее толькі напрыканцы наступнага тыдня.