АБЗАЦ

Источник материала:

У Віцебску выпаў град дыяметрам да 1 см. Град адзначаўся таксама ў Беразіне, Магілёве і некаторых іншых населеных пунктах краіны.

Надыходнае лета стане рэкордна гарачым за ўсю сучасную гісторыю метэаназіранняў. З такім прагнозам выступілі навукоўцы з Нацыянальнага ўпраўлення ЗША па аэранаўтыцы і даследаванняў касмічнай прасторы (NASA). Як паведаміў кіраўнік работ праф. Джэймс Хансэн, за апошнія 12 месяцаў сярэднясутачная тэмпература атмасферы Зямлі была самай высокай за ўсе папярэднія 130 гадоў. Матэматычныя мадэлі сведчаць, што тэмпература будзе расці ў наступныя месяцы, і ў Паўночным паўшар'і будзе самае гарачае лета з таго часу, як вядуцца метэаназіранні. Такое надвор'е абумоўленае змяненнямі ў руху цёплых цячэнняў Ціхага акіяна.

Наезд на дзікага кабана, які выбег на дарогу, стаў прычынай гібелі матацыкліста ў Лепельскім раёне.

У Вялікабрытаніі адкрылася вакансія дэгустатара піва. Такога спецыяліста шукае Лонданскі рынкавы комплекс. У абавязкі дэгустатара будзе ўваходзіць аналіз піўных напояў і закусак у пабах, барах і іншых установах Лондана і наваколляў. Асноўныя патрабаванні да кандыдата (заяўкі прымаюцца ад мужчын і жанчын, старэйшых за 18 гадоў) — любоў да піва і ежы, а таксама веданне мясцовых і нацыянальных адрозненняў паміж версіямі аднаго і таго ж напою. Працаваць давядзецца на грамадскіх асновах, аднак выгада ад такой працы відавочная.