У Маладзечне бацькі рыхтуюць сані для навагодзіка

Источник материала:

Конкурс на лепшыя казачныя навагоднія сані пачнецца ў 11 гадзін 14 снежня ў дзіцячым цэнтры “Расток”. Уваход вольны.

– У конкурсе павінна прымаць удзел уся сям’я, – адзначаюць у цэнтры. – Трэба, каб і мама, і тата, і дзіця былі ў адным вобразе.

Сустракаць удзельнікаў і гасцей будуць снегавікі. Далей усіх чакае тэатралізаваная праграма і парад саней. Можна будзе пабачыць і дзве падрыхтаваныя выставы: “Навагодняя гірлянда” і “Маляваныя валёнкі”.

Пасярод зімы можна будзе парадаваць сваіх дзяцей папкорнам і салодкай ватай.

Ад 18 – навагоднія ранішнікі

Ад 18 снежня ў цэнтры пачнуць праводзіць навагоднія ранішнікі.

Першыя два – дабрачынныя, для дзяцей-сірот і дзяцей з неспрыяльных сямей. Астатнія – для ўсіх ахвотных, але трэба будзе паклапаціцца пра білеты.

Настасся РОЎДА.

Фота ic.pics.livejournal.com