У Маладзечне стартуюць бясплатныя моўныя курсы “Мова Нанова”
03.05.2014
—
Новости Общества
|
На курсы ўваход вольны. Ужо ў наступную сераду, 7 мая, Маладзечна далучаецца да найноўшага трэнду і распачынае бясплатныя публічныя курсы беларускай мовы “Мова Нанова”.Першыя заняткі 7 мая а 19.00 у “Лівіа” (гандлёвы цэнтр "Модуль", 4 паверх) правядуць стваральнікі мінскіх курсаў – Алеся Літвіноўская і Глеб Лабадзенка. Далей выкладаць будуць маладзечанская журналістка (карэспандэнтка "РГ") Настасся Роўда і культурніцкі дзеяч з Мінска Алесь Мазанік. Ужо на першай сустрэчы вы даведаецеся пра спрадвечна беларускую форму вашага імя, навучыцеся вышукваць ілжэсяброў перакладчыка ў мове, папрактыкуецеся ў прыгожым маўленні, пачуеце голас Янкі Купалы і паспаборнічаеце ў моўных вынаходніцтвах. Курсы пачалі ў студзені гэтага года ў Мінску філолаг Алеся Літвіноўская і журналіст Глеб Лабадзенка. Раз на тыдзень заняткі збіраюць па 200-300 чалавек. За гэты час курсы ўжо распачаліся ў іншых гарадах: Бабруйску, Баранавічах, Гродна, Нясвіжы, Брэсце і нават Кракаве. Суполка курсаў у vk.com: vk.com/mova.maladecna Суполка курсаў у facebook: facebook.com/mova.maladecna Чтобы разместить новость на сайте или в блоге скопируйте код:
На вашем ресурсе это будет выглядеть так
Ужо ў наступную сераду, 7 мая, Маладзечна далучаецца да найноўшага трэнду і распачынае бясплатныя публічныя курсы беларускай мовы “Мова Нанова”.
|
|