Казахстан абяцае «народную» прыватызацыю

18.11.2010 13:39 — Новости Мира |

Размер текста:: A; A; A

Источник материала:

Казахстан паабяцаў правесці «народнае» IPO часткі актываў суверэннага фонду «Самрук-Казына» — найбуйнейшага холдынгу краіны, які валодае долямі ў кампаніях і банках агульным коштам $70 мільярдаў.

«Літаральна два дні таму мы… прынялі прынцыповае рашэнне па пытанні прыватызацыі і магчымага размяшчэння акцый, так званага «народнага» IPO для казахстанскіх грамадзян, у тым ліку для пенсійных фондаў, кампаній, якія ўваходзяць у склад «Самрук-Казына», — сказаў прэм’ер-міністр Карым Масімаў у чацвер.

У студзені фонд, які ўключае сярод іншага нацыянальную нафтаздабыўную кампанію «Казмунайгаз», сумесна з урадам, Нацбанкам і фінансавымі рэгулятарамі падрыхтуе «маштабную праграму развіцця казахстанскага фондавага рынку».

«Вельмі важна, каб грамадзяне Казахстана мелі магчымасць купіць гэтыя акцыі першымі», — сказаў Масімаў на эканамічным форуме.

У ліпені кіраўнік фонду сказаў, што «Самрук-Казына» разглядае магчымасць прыцягнуць у 2010 годзе да $6 млрд кітайскіх і расійскіх крэдытаў для фінансавання праектаў мадэрнізацыі сыравіннай эканомікі.

«Самрук-Казына» пазычыў у мінулым годзе $13 мільярдаў у Кітаі і атрымаў крэдытную лінію расійскага «Знешэканамбанка» на $3 млрд.

Падзяліцца навіной:
afn.by