Аб унясеннi змяненняў ва Указ Прэзiдэнта Рэспублiкi Беларусь ад 10 сакавiка 2000 г. № 124

Источник материала:

Выключыць з назвы, падпунктаў 1.1, 1.3 i 1.6 пункта 1 Указа Прэзiдэнта Рэспублiкi Беларусь ад 10 сакавiка 2000 г. № 124 «Аб накiраваннi прадстаўнiкоў банкаў у якасцi наглядальнiкаў за гаспадарчай дзейнасцю юрыдычных асоб, якiя не забяспечваюць своечасовага вяртання крэдытаў у замежнай валюце i выканання дагавораў закладу» (Нацыянальны рэестр прававых актаў Рэспублiкi Беларусь, 2000 г., № 27, 1)1083) адпаведна словы «ў замежнай валюце» i «за замежную валюту».

Прэзiдэнт Рэспублiкi Беларусь А. Лукашэнка.

2 лiпеня 2002 г., г. Мiнск.

Каментарый да Указа Прэзiдэнта Рэспублiкi Беларусь ад 2 лiпеня 2002 г. № 343 «Аб унясеннi змяненняў ва Указ Прэзiдэнта Рэспублiкi Беларусь ад 10 сакавiка 2000 г. № 124"

Цяпер банкам прадастаўлена права ажыццяўляць нагляд за гаспадарчай дзейнасцю юрыдычных асоб, якiя маюць запазычанасць па крэдытах у замежнай валюце.

Указ дае магчымасць банкам накiроўваць сваiх прадстаўнiкоў у якасцi наглядальнiкаў за гаспадарчай дзейнасцю юрыдычных асоб, якiя не забяспечваюць своечасовага вяртання выдадзеных iм крэдытаў не толькi ў замежнай валюце, але i ў беларускiх рублях i не выконваюць дагавораў закладу.

У шэрагу выпадкаў несвоечасовае вяртанне крэдытаў выклiкана нядобрасумленнасцю крэдытаатрымальнiкаў, ухiленнем iх пры наяўнасцi сродкаў на рахунках ад пагашэння ў тэрмiн атрыманых крэдытаў. Удзел прадстаўнiкоў банкаў у якасцi наглядальнiкаў за дзейнасцю такiх крэдытаатрымальнiкаў дае магчымасць ажыццяўляць кантроль за рухам iх грашовых сродкаў па ўсiх рахунках, патрабаваць ад iх своечасовага выканання прынятых абавязацельстваў.

Прэс-служба Прэзiдэнта Рэспублiкi Беларусь.