На развiццё сельгасвытворчасцi выдаткавана 364 мiльярды рублёў

Источник материала:

На працягу 2004—2005 гг. было рэарганiзавана 425 аграпрамысловых прадпрыемстваў: 67 з iх выкуплены юрыдычнымi асобамi, а 358 далучаны да сельскагаспадарчых, прамысловых i iншых арганiзацый. Паводле слоў На- дзеi Каткавец, за гэты час 771 гаспадарка здолела самастойна выйсцi са страт; 4 сельгаспрадпрыемствы ва ўстаноўленым парадку былi аб’яўлены банкрутамi.

Укладаннi iнвестараў значна пераўзышлi мяркуемыя аб’ёмы — «планавалася, што ўсяго на развiццё стратных гаспадарак будзе выдаткавана 150 мiльярдаў рублёў, а рэальна за апошнiя два гады накiравана 364 млрд». Большая частка гэтай сумы (272 млрд руб.) прыпадае на Мiншчыну. Для рэфармаваных аграпрамысловых прадпрыемстваў у цэнтральным рэгiёне было набыта 109 камбайнаў, 160 трактароў, 800 адзiнак iншай тэхнiкi. Як адзначыў намеснiк начальнiка аддзела па навуковаму забеспячэнню, укараненню новых формаў гаспадарання i рэфармаванню ўласнасцi Камiтэта па сельскай гаспадарцы i харчаванню Мiнскага аблвыканкама Мiкалай Манько, у параўнаннi з 2003 годам валавая вытворчасць сельскагаспадарчай прадукцыi ў былых «аўтсайдараў» у сярэднiм узрасла на 80 працэнтаў, а заробкi вяскоўцаў — у 2—4 разы.