Вырасцiм лекi самi

Источник материала:

Сёння мы хочам пазнаёмiць вас з раслiнай пол-пала, навуковая назва якой — эрва шарсцiстая. У пол-пале сабралася цэлая аптэка. Гэта раслiна — найпершы сродак пры прастудзе, бранхiце, трахеiце: яна памяншае запаленне, дапамагае ачысцiць дыхальныя шляхi ад слiзi. Пол-палай лечаць гастрыт, захворваннi моча-палавой сiстэмы. Раслiна валодае мачагонным i антыбактэрыяльным дзеяннем. Пры лабараторных даследаваннях адзначаецца хуткае вывядзенне з арганiзма мачавiны i мачавой кiслаты. Таксама эрва шарсцiстая панiжае згусанне крывi i тым самым перашкаджае ўтварэнню тромбаў у сасудах. Пол-пала садзейнiчае ўзнаўленню салявога балансу, знiжае ўзровень цукру ў крывi. Акрамя гэтага яна нармалiзуе менструальны цыкл. А яшчэ гэта раслiна аказвае заспакаяльнае дзеянне на нервовую сiстэму.

Пол-пала расце ў вiльготным i гарачым клiмаце поўдня Iндыi i Шры-Ланкi. Але можна яе вырасцiць i ў кватэры. Для пасадкi падрыхтуйце ўрадлiвую рыхлую зямлю. Паверхню зямлi трэба выраўнаваць i пасеяць насенне пол-палы, злёгку прысыпаўшы дробным прамытым пяском. Паверхню ўвiльгатнiць, папырскаўшы пульверызатарам. Накрыць празрыстай плёнкай i змясцiць у цёплае месца (22—25°С).

Усходы з’яўляюцца праз 9—14 дзён. Пасля гэтага трэба паставiць расаду ў светлае месца. Спачатку сеянцы растуць марудна, i толькi пасля з’яўлення 2-3 сапраўдных лiсткоў рост паскараецца. Вельмi важна iх своечасова палiваць, каб зямля ўвогуле не падсыхала.

Загартоўваць раслiну трэба паступова: першы раз зняць плёнку на паўгадзiны, потым больш, а праз тыдзень можна зняць яе ўвогуле. Са з’яўленнем 3-4 асноўных лiсткоў можна пачынаць перасадку. Спачатку ў посуд з мiнiмальным аб’ёмам зямлi (ёмiстасцi з-пад ёгурту), потым, па меры росту раслiны, у большы па аб’ёму посуд. Максiмальны аб’ём зямлi для вялiкай раслiны — 2—4 лiтры.

Пол-палу можна трымаць на балконе, а пры тэмпературы +20°С — у адкрытым грунту. Для атрымання спелага насення раслiны з адкрытага грунта цi балкона восенню трэба перанесцi ў дом. Дарослую раслiну можна трымаць больш за два гады. Рост яе дасягае 80—115 см з 20—30 бакавымi галiнамi.

Для нарыхтоўкi лекавай сыравiны раслiну зразаюць у час цвiцення пад корань, звязваюць у пучкi i сушаць у цянi на паперы. Сыравiну можна захоўваць да двух гадоў.

Як выкарыстоўваць пол-палу. 2 ч. лыжкi травы на 250 г вады. Гатаваць 3—5 мiн, настояць, пiць цёплым па 1/4—1/2 шклянкi 2-3 разы ў суткi на працягу 10—30 дзён.