Вызначаны першыя дэлегаты ад Гомельшчыны

Источник материала:

НАРОДНЫ СХОД: НАПЯРЭДАДНІ

Гэта самыя дастойныя людзi, якiя карыстаюцца вялiкiм аўтарытэтам. Узяць, напрыклад, механiзатара камунальнага сельскагаспадарчага унiтарнага прадпрыемства «Судкова» Рыгора Сцiшанка, члена Беларускага рэспублiканскага саюза моладзi. Ён двойчы выходзiў пераможцам у рэспублiканскiм спаборнiцтве «Дажынкi». Дэлегатам народнага сходу была названа таксама член БРСМ, малады спецыялiст Аксана Сiраж. Ёй, настаўнiцы Вiцьеўскай сярэдняй школы, прысвоена званне «Настаўнiк года». А вось старшыня Барысаўшчанскага сельсавета Алена Уладзiмiраўна Сташкевiч прыме ўдзел у рабоце Усебеларускага народнага сходу ўжо ў другi раз, i гэта сведчыць аб высокiм даверы да яе вяскоўцаў.

Выбраны таксама дэлегаты рэспублiканскага форуму i ад Акцябрскага раёна. Сярод iх — аператар машыннага даення з КСУП «Чырвонаслабодскае» Валянцiна Сажына, у якой за мiнулы год лепшы паказчык у раёне па надоях малака ад каровы (пяць тон), экскаватаршчык ААТ «Акцябраграсэрвiс» Юрый Жалязняк, старшыня сельскагаспадарчага вытворчага кааператыва Васiль Лаханскi, старшыня раённага прафсаюза работнiкаў аграпрамысловага комплексу Павел Гармаш i iншыя, усяго восем чалавек.

А ў абласным цэнтры закончылася вылучэнне ўпаўнаважаных на раённыя i гарадскiя сходы. Дэлегаты на трэцi Усебеларускi сход былі названы ўчора.