Леанiд ГУЛЯКА: «Дзяржава аказвае падтрымку ўсiм канфесiям i рэлiгiйным напрамкам»

Источник материала:

Цяпер вядзецца паспяховая рэалiзацыя Пагаднення аб супрацоўнiцтве памiж дзяржавай i Беларускай праваслаўнай царквой. У развiццё гэтага дакумента, падпiсанага ў 2003 годзе, 13 мiнiстэрстваў i ведамстваў распрацавалi свае праграмы ўзаемадзеяння з Беларускiм Экзархатам. Канструктыўны дыялог дзяржава вядзе i з iншымi традыцыйнымi для нашага рэгiёну канфесiямi.

Прынцып забеспячэння канстытуцыйных правоў грамадзян пакладзены i ў аснову дзяржаўнай палiтыкi ў сферы мiжнацыянальных адносiнаў. «У Беларусi нiхто не можа сказаць, што адчувае дыскамфорт з-за нацыянальнай прыналежнасцi», — сказаў Леанiд Гуляка.

У сувязi з гэтым ён нагадаў, што ў лютым гэтага года пры камiтэце быў створаны Кансультатыўны савет. У яго ўвайшлi кiраўнiкi 26 рэспублiканскiх культурна-нацыянальных грамадскiх аб’яднанняў, створаных дыяспарамi, якiя пражываюць у Беларусi. Прадстаўнiкi аб’яднанняў — аўтарытэтныя i паважаныя ў нашай краiне i свеце грамадзяне, якiя ўносяць вялiкi ўклад у захаванне i развiццё гiсторыка-культурнай спадчыны i традыцый як сваiх народаў, так i беларусаў.

Асноўныя задачы савета — садзейнiчанне працэсам iнтэграцыi грамадзян розных нацыянальнасцяў у беларускае грамадства, захаванне i ўмацаванне мiжнацыянальнай згоды, а таксама аказанне дапамогi ў правядзеннi культурных i адукацыйных мерапрыемстваў. Дзейнасць савета будзе садзейнiчаць умацаванню супрацоўнiцтва камiтэта i нацыянальных аб’яднанняў, аператыўнаму вырашэнню пытанняў. Акрамя таго, гэты орган прызначаны павысiць эфектыўнасць рэалiзацыi дзяржаўнай палiтыкi па падтрымцы нацыянальных грамадскiх аб’яднанняў.

У Беларусi дзейнiчаюць 124 нацыянальна-культурныя грамадскiя аб’яднаннi 25 нацыянальных супольнасцяў.

Аляксандр СУХАВЕРХI, БЕЛТА.