Урад адобрыў праект прэзiдэнцкай праграмы «Дзецi Беларусi» на 2006—2010 гады

Источник материала:

Кiраўнiк урада адзначыў, што рэалiзацыя праграмы павiнна стаць стымулюючым фактарам для развiцця i падтрымкi сем’яў.

Як паведамiў, прадстаўляючы гэты дакумент, вiцэ-прэм’ер Аляксандр Косiнец, асноўная задача праекта прэзiдэнцкай праграмы — павышэнне якасцi жыцця сем’яў i дзяцей. На першае месца ставiцца падпраграма «Сацыяльная абарона сям’i i дзяцей», якая прадугледжвае мерапрыемствы па сацыяльнай абароне ўсiх дзяцей i ўсiх сем’яў, што выхоўваюць дзяцей. Намечана павышэнне памеру дапамог па догляду дзяцей ва ўзросце да трох гадоў. У 2008 годзе памер дапамог павялiчыцца да 80 працэнтаў бюджэту пражытачнага мiнiмуму (БПМ), у 2009-м — да 100 працэнтаў БПМ. Упершыню ўнесена норма аб прадастаўленнi бясплатнага харчавання дзецям да двух гадоў. Цяпер такую магчымасць маюць толькi дзецi са шматдзетных сем’яў i сем’яў студэнтаў, пры ўмове, што сярэднедушавы сукупны даход на члена сям’i не перасягае 20 працэнтаў мiнiмальнага спажывецкага бюджэту, гэта значыць цяпер складае не больш за Br48 тыс. 880.

У праекце прапануецца ўстанавiць крытэрый патрэбнасцi для ўсiх сем’яў на ўзроўнi 60 працэнтаў БПМ, што цяпер складае Br94 тыс. 872.

Акрамя таго, павялiчваецца фiнансавая падтрымка сем’яў, узровень пагашэння сем’ям фiнансавай запазычанасцi за крэдыты. Так, напрыклад, прапануецца павялiчыць памер фiнансавай падтрымкi па льготных крэдытах пры нараджэннi трэцяга дзiцяцi з 30 працэнтаў да 50 працэнтаў. Маладыя сем’i, у якiх нарадзiлася першае дзiця, будуць атрымлiваць фiнансавую дапамогу ў памеры 20 бюджэтаў пражытачнага мiнiмуму на будаўнiцтва i рэканструкцыю жылля.

Па даручэнню прэзiдэнта гэта праграма была iстотна дапрацавана. У першапачатковым варыянце кошт яе мерапрыемстваў складаў Br467,14 млрд. У зацвержданым праекце праграмы прадугледжана фiнансаванне ў памеры Br1 трлн. 423,3 млрд. Кошт будаўнiчай часткi праекта павялiчыўся са Br160,6 млрд. да Br190,13 млрд.