У Беларусi прадоўжыцца работа па стварэнню спрыяльных умоў для прадпрымальнiкаў

Источник материала:

Як падкрэслiў кiраўнiк дзяржавы, сёлетняя пасяўная будзе мець асаблiвы характар: з-за ўмоў надвор’я яна павiнна быць праведзена ў значна больш сцiслыя тэрмiны, чым у папярэднiя гады. У лiку першарадных пытанняў, якiя ў блiжэйшы час будуць знаходзiцца ў цэнтры ўвагi, — забеспячэнне сельгасарганiзацый гаручым, паскарэнне паставак мiнеральных угнаенняў i сродкаў аховы раслiн, аснашчэнне сельскагаспадарчай тэхнiкi рухавiкамi пасля iх рамонту.

Анатоль Тозiк праiнфармаваў прэзiдэнта аб рэалiзацыi Указа нумар 148 ад 24 сакавiка 2005 года «Аб неадкладных мерах па падтрымцы прадпрымальнiцтва». Як падкрэслiў кiраўнiк Камiтэта дзяржкантролю, «у цэлым дакумент выконваецца», аднак яшчэ застаўся шэраг важных аспектаў, якiя неабходна вырашыць, у тым лiку i праз дадатковыя нарматыўныя акты кiраўнiка дзяржавы. Гэта, у прыватнасцi, датычыцца ўдакладнення парадку фармiравання арэнднай платы за гандлёвыя месцы (часта яна па-ранейшаму завышаецца), платы за дадатковыя паслугi i законнасцi яе спагнання ў шэрагу выпадкаў.

Яшчэ адно актуальнае пытанне — аўтастаянкi каля рынкаў. На думку Анатоля Тозiка, на неахоўных стаянках, якiя не забяспечваюць захаванасць машын, немэтазгодна браць плату толькi за тое, што чалавек паставiў там свой аўтамабiль. Кiраўнiк дзяржавы падтрымаў унесеныя ў сувязi з гэтым прапановы. Як было адзначана, будуць прыняты меры па вырашэнню ўсiх узнятых пытанняў у мэтах далейшага стварэння максiмальна спрыяльных умоў для дзейнасцi прадпрымальнiкаў.

Анатоль Тозiк таксама далажыў прэзiдэнту аб праекце Указа аб падтрымцы развiцця сельскага турызму ў Беларусi (аграэкатурызму). Гэта новы напрамак з улiкам унiкальнай беларускай прыроды, клiматычных умоў можа быць вельмi перспектыўным. Прэзiдэнт падтрымаў унесеныя iнiцыятывы. З прыняццем адпаведнага дакумента ў Беларусi будуць створаны спрыяльныя ўмовы для развiцця гэтага новага вiду бiзнэсу, што дасць магчымасць стварыць i новыя рабочыя месцы. Паводле ацэнак спецыялiстаў, аграэкатурызм зацiкавiць адпачынкам у беларускай вёсцы значную колькасць не толькi iншаземцаў, але i жыхароў буйных гарадоў нашай рэспублiкi.

Паводле паведамленняў прэс-службы Прэзідэнта Рэспублікі Беларусь і БЕЛТА.