Аляксандр КОСIНЕЦ: «Абмежаваннi на правядзенне выпускных баляў уводзiцца не будуць»

Источник материала:

Паводле яго слоў, у сувязi з правядзеннем выпускных вечароў улады на месцах дапусцiлi некаторыя перагiбы. У прыватнасцi, размова iдзе аб увядзеннi абмежаванняў па часе, да якога будуць праходзiць выпускныя балi, па даце i месцы iх правядзення, растлумачыў вiцэ-прэм’ер.

У сувязi з гэтым ён паведамiў, што «сёння кiраўнiк дзяржавы даў дакладнае распараджэнне аб тым, каб нiводнае з гэтых абмежаванняў — нi па працягласцi, нi па даце, нi па месцы правядзення выпускных баляў — не было ўведзена». «Калi ёсць традыцыя праводзiць выпускныя вечары ў школах, то няма нiякiх падстаў парушаць яе», — адзначыў вiцэ-прэм’ер.

Аляксандр Косiнец таксама праiнфармаваў, што прэзiдэнт асаблiва падкрэслiў неабходнасць устанаўлення строгай адказнасцi ў забеспячэннi парадку i бяспекi пры правядзеннi выпускных баляў. У першую чаргу, гэту адказнасць павiнны несцi раённыя аддзелы адукацыi, а таксама дырэктары школ, гiмназiй, каледжаў i бацькi, чые дзецi будуць сустракаць першы ў жыццi дарослы свiтанак, удакладнiў намеснiк прэм’ер-мiнiстра. «Галоўнае, — падкрэслiў ён, — каб моладзь адчувала сябе камфортна, магла спакойна i весела сустрэць свiтанак».

Вiце-прэм’ер рэкамендаваў пры вызначэннi даты правядзення выпускных баляў улiчваць, што ў панядзелак, 12 чэрвеня, у краiне пройдзе цэнтралiзаванае тэсцiраванне па беларускай мове, i юнакам i дзяўчатам неабходна адпачыць перад першым iспытам. «Выпускны баль павiнен быць сапраўдным святам для выпускнiкоў — вясёлым, цiкавым i добра арганiзаваным», — сказаў на заканчэнне Аляксандр Косiнец.