Весткi з мундзiяля

Источник материала:

 Фiнал будзе абслугоўваць аргенцiнец Арасiо Элiсонда, якi з’яўляўся суддзёй чатырох сустрэч сёлетняга турнiру i асаблiва запомнiўся рашэннем выдалiць у чвэрцьфiнале Англiя — Партугалiя Уэйна Рунi. 42-гадовы аргенцiнскi арбiтр стаў першым у гiсторыi сусветных першынстваў, каму на адным i тым жа мундзiялi даверылi судзейства на матчы-адкрыццi i фiнале. Цiкава, што самому Элiсонда з вiдаў спорту найбольш падабаецца гольф, а яшчэ ён вялiкi аматар пiсаць паэмы. Яшчэ некалькi фактаў: прафесiя арбiтра звязана са спортам (ён настаўнiк фiзвыхавання), абслугоўваць матчы Элiсонда пачаў у 1994-м, мiжнародныя гульнi — на два гады пазней.

 ФIФА распрацавала новую сiстэму рэйтынгу зборных. Галоўнае змяненне датычыцца тэрмiну, якi i з’яўляецца асновай для падлiку ачкоў. Замест васьмi гадоў будуць улiчвацца чатыры апошнiя.

 Галоўны трэнер iтальянцаў Марчэла Лiпi пасля заканчэння чэмпiянату плануе працаваць у «Манчэстар Юнайтэд». Спачатку ён будзе дапамагаць Алексу Фергюсану, а потым узначалiць клуб.

 Самае маленькае футбольнае поле на планеце памерам 500 на 380 нанаметраў стварылi фiзiкi кайзерслаўтэрнскага унiверсiтэта. Яно цалкам адпавядае сапраўднай арэне: мае траву, разметку для гульнi. Адзiнае адрозненне — без электроннага мiкраскопа вынаходнiцтва вучоных не пабачыш.

 Былы паўабаронца зборнай Францыi Юрый Джаркаеў, чэмпiён свету-1998 i кантынентальнага першынства-2000, затрыманы палiцыяй Франкфурта. Санкцыю аб затрымцы выдала пракуратура Кайзерслаўтэрна, што разглядае справу аб аўтааварыi, удзельнiкам якой быў Джаркаеў. ДТЗ адбылося ў 2001 годзе, калi француз выступаў за «Кайзерслаўтэрн».