Прэзiдэнты Беларусi i Расii абмеркавалi пытаннi саюзнага будаўнiцтва i маючага адбыцца самiту СНД

Источник материала:

Аляксандр Лукашэнка падкрэслiў: «Наперадзе пасяджэнне ВДС. Трэба вызначыцца, разгледзець тыя пытаннi, якiя сёння гатовы да абмеркавання. Перш за ўсё — бюджэт Саюзнай дзяржавы, ён практычна гатовы».

Прэзiдэнт Беларусi адзначыў неабходнасць абмяняцца думкамi па актуальных пытаннях двухбаковага ўзаемадзеяння. «Як вы помнiце, мы дамаўлялiся, што калi ўрады не вырашаць шэраг нейкiх пытанняў i пакiнуць нам на разгляд, то мы аб’яднаем iх у групы i разгледзiм на сваiм узроўнi. У нас атрымалася 4—5 такiх блокаў пытанняў, якiя мы з вамi павiнны абмеркаваць. I калi не вырашыць — таму што шэраг пытанняў датычыцца суб’ектаў гаспадарання — то даць нейкi iмпульс для iх вырашэння», — сказаў Аляксандр Лукашэнка.

Кiраўнiк беларускай дзяржавы дадаў таксама, што хацеў бы параiцца з Уладзiмiрам Пуцiным «па шэрагу мiжнародных праблем, якiя стаяць перад Беларуссю».

Уладзiмiр Пуцiн у сваю чаргу выказаў намер абмеркаваць пытаннi двухбаковага ўзаемадзеяння, у тым лiку ў рамках Саюзнай дзяржавы i эканамiчнага супрацоўнiцтва. «У нас адносiны развiваюцца вельмi паспяхова. Тавараабарот расце, але ёсць пытаннi, якiя патрабуюць ўважлiвага разгляду на нашым узроўнi», — сказаў прэзiдэнт Расii.

Неабходна адзначыць, што па вынiках 2006 года тавараабарот памiж дзвюма краiнамi выходзiць на рэкордную адзнаку $20 млрд.

Аляксандр Лукашэнка i Уладзiмiр Пуцiн на перагаворах абмянялiся думкамi па пытаннях падрыхтоўкi да маючага адбыцца 28 лiстапада ў Мiнску самiту СНД i дакументах, што рыхтуюцца.

Беларускi лiдар з задавальненнем канстатаваў, што беларускi i расiйскi бакi, рыхтуючыся да гэтай сустрэчы на вышэйшым узроўнi, прыйшлi да адзiнага парадку дня. Ён таксама выказаў перакананасць у тым, што перагаворы будуць вельмi плённымi.

Прэс-служба Прэзiдэнта Рэспублiкi Беларусь.

(Падрабязней — у наступным нумары).