Сустрэча прэзiдэнтаў Беларусi i Украiны можа адбыцца ў лютым-сакавiку 2007 года

Источник материала:

Вiктар Балога падкрэслiў, што пасля нядаўна праведзенай сустрэчы ў Кiеве з Генадзем Нявыгласам ён праiнфармаваў аб вынiках перагавораў прэзiдэнта Украiны Вiктара Юшчанку. Украiнскi лiдар сказаў, што трэба тэрмiнова ехаць у Беларусь, умацоўваць двухбаковыя адносiны, а таксама што ў дзвюх краiн вельмi шмат агульнага. На думку ўкраiнскага боку, з Беларуссю склалiся добрыя дружалюбныя, добрасуседскiя адносiны, але шмат праблем, якiя патрабуюць вырашэння.

Вiктар Балога падкрэслiў: «Мы разгледзiм пытанне аб вiзiце Прэзiдэнта Беларусi ва Украiну. Аб гэтым мы гаварылi ў час сустрэчы ў Кiеве. Напэўна, мы будзем планаваць вiзiт прыкладна на люты-сакавiк 2007 года». Паводле яго слоў, чарнобыльская праблема — гэта праблема i Украiны, i Беларусi, i ўсяго еўрапейскага супольнiцтва.

Другi блок пытанняў, якiя ўкраiнскi госць плануе абмеркаваць ў Мiнску, — гэта ўкараненне новых тэхналогiй па будаўнiцтву палацаў спорту, па развiццю хакея. «Усё тое добрае, што ёсць у гэтым напрамку ў Беларусi, мы прывядзём ва Украiну i будзем разам з вашымi будаўнiкамi развiваць», — адзначыў Вiктар Балога.