Сёння ў клубе Рэактар адкрыцьцё метал-сезона Heart of metal fest

Источник материала:

Сёння, 8 лютага, ў клубе Рэактар адкрыццё метал-сезона Heart of metal fest.
Удзельнікамі фэсту cтануць гурты з розных куткоў Беларусі: IMPRUDENCE, MEDEA, FRODMORTELL, NASOFERUS, SOLARWARD, EVIL

Гурт MEDEA прэзэнтуе сваю новую праграму "Дэкаданс"
У прэс-рэлізе гурта адзначана:

“Ёсць яшчэ порах у парахаўніцах айчыннай metal - сцэны. Не так часта як бы жадалася, але ўсё ж з’яўляюцца на нашых прасторах рэлізы годныя павагі, якія несумненна можна ставіць у адзін шэраг з якаснымі замежнымі аналагамі. І найноўшы альбом Medea "Дэкаданс" - таму падцвярджэнне.
Хуткая і змрочная, прыгожая і дзіўна атмасфэрная, музыка гарадзенскай Medea, наўрад ці пакіне абыякавым хоць аднаго прыхільніка добрага сімфа блэка.
"У надзеі зманлівай, топчучы зямную цьвержу,
мы шукаем жыцьці, а знаходзім сьмерць…"
Моцны альбом, без сумневу зойме адно з галоўных месцаў у сучасным алімпе металёвага грамадства.


А гурт IMPRUDENCE прэзэнтуе сваю цалкам беларускамоўную праграму.
Гаворыць вакаліст Павел:
"У бліжэйшы час мы пачынаем пісаць свой цалкам беларускамоўны альбом. Гэта будзе сапраўдная бомба! Вельмі спадзяемся на прэзэнтацыю гэтай праграмы на фэсьце БАСОВІШЧА! Абяцаем сапраўднае шоў!"

8 лютага
Рэактар
Т. 2886160