Рок-каранацыя: выбірай сам “Выканаўцу года”!

Источник материала:

На "Тузіне Гітоў" распачалося афіцыйнае галасаваньне ў намінацыі "Выканаўца года". Па традыцыі ў журы гэтай намінацыі будуць усе наведнікі гэтага парталу - кожны можа аддаць свой голас за аднаго з прэтэндэнтаў адзін раз на дзень. 24 лютага апоўначы галасаваньне спыняецца, а ягоны пераможца будзе названы непасрэдна на самой цырымоніі ўзнагароджаньня 29 лютага ў КЗ "Мінск". У сьпіс намінантаў трапілі восем самых яскравых асобаў беларускага року.

Пры складаньні сьпісу прэтэндэнтаў на рок-карону ў намінацыі "Выканаўца года" ўлічваліся выканаўцы, якія цягам году яскрава засьведчылі сваю творчую актыўнасьць у сваіх праектах і па-за імі. Аргкамітэт кіраваўся наступнымі крытэрамі: а) прафэсіяналізм, б) удалы сцэнічны імідж і харызма, в) сталая прысутнасьць у інфармацыйнай прасторы.

У выніку ў сьпіс намінантаў трапілі:

- Аляксей Шадзько
- Сяргей Міхалок
- Уладзімер Пугач
- Зьміцер Вайцюшкевіч
- Віталь Артыст
- Лявон Вольскі
- Ігар Варашкевіч
- Аляксандар Кульлінковіч

Галасаваць можна TUT да 0:00 24 лютага.