"Злачынствы Вермахта ў Польшчы" пакажуць у Нацыянальным музеі гісторыі і культуры Беларусі
9 ліпеня а 17-й гадзіне Нацыянальны музей гісторыі і культуры Беларусі (вул. К.Маркса,12) і Польскі Інстытут у Мінску запрашаюць на адкрыццё выставы “З найвялікшай жорсткасцю
Злачынствы Вермахта ў Польшчы, верасень - кастрычнік 1939 г.”.
Выстава паказвае збродні нямецкай арміі, здейсненыя на польскіх землях у першыя два месяцы другой сусветнай вайны. Задача экспазіцыі заключаецца і ў тым, каб папоўніць матэрыялы выставы Гамбургскага Інстытута Грамадскіх Даследванняў “Вайна на знішчэнне. Злачынствы Вермахта 1941-1944 гг.”. Шматлікія нямецкія асяроддзі палічылі гэтыя экспазіцыі ганьбой святасці і замахам на добрае імя нямецкага салдата. Выставы выклікалі шырокія дыскусіі на тэму ролі Вермахта ў другой сусветнай вайне. Адназначна сцвярджаецца той факт, што ў нямецкай гісторыі пераважае стэрэатып, паводле якога злачынствы здзяйснялі эсэсаўцы і службоўцы паліцэйскіх фармацый, а франтавыя салдаты прытрымліваліся ваеннага права і змагаліся з пачуццём павагі да праціўніка. Падрываючы гэты стэрэатып, гамбургскія выставы садзейнічалі ўмацоўванню другога фальшывага міфа: дзеянні Вермахта мелі злачынны характар толькі з чэрвеня 1941 г., пасля нападзення на Савецкі Саюз. З першага дня вайны нямецкая армія дзейнічала з пагардай да міжнародных канвенцый, а “рыцарскім” салдатам Вермахта дазвалялі чыніць шматлікія злачынствы над палоннымі і насельніцтвам. На выставе прадстаўлены прыклады злачынстваў, за якія бясспрэчную адказнасць нясуць нямецкія салдаты. Гэта перыяд з 1 верасня па 25 кастрычніка 1939 г. - час функцыянавання так званай вайсковай адміністрацыі. У той час Вермахт з’яўляўся вышэйшай уладай на акупіраванай тэрыторыі: нёс прававую адказнасць за дзейнасць усіх аб’яднанняў і ўстаноў Трэцяга Рэйха на занятай немцамі тэрыторыі II Рэчы Паспалітай. Экспазіцыя падзелена на некалькі тэматычных блокаў. Прадстаўлены спосабы нямецкай ваеннай падрыхтоўкі, мілітарныя, ідэйныя і палітычныя аспекты, развіццё нямецкай і савецкай ваенных машын у верасні 1939 г.. Дакументальна пацверджаны акты злачынстваў, здзейсненых падчас авіяцыйных бамбардзіровак, а таксама праявы антысемітызму і збродняў, учыненых над інтэрніраванымі асобамі, грамадзянскімі абаронцамі і ваеннапалоннымі. Выстава будзе працаваць да 30 ліпеня. Первоисточник: Чтобы разместить новость на сайте или в блоге скопируйте код:
На вашем ресурсе это будет выглядеть так
9 ліпеня а 17-й гадзіне Нацыянальны музей гісторыі і культуры Беларусі (вул. К.Маркса,12) і Польскі Інстытут у Мінску запрашаюць на адкрыццё выставы “З найвялікшай жорсткасцю
Злачынствы Вермахта ў Польшчы, верасень - кастрычнік 1939 г.”.Выстава паказвае збродні нямецкай арміі, здейсненыя на польскіх землях...
|
|