Баршчэўскі можа пакінуць пасаду старшыні ПБНФ

Источник материала:

Нагадаем, Алесь Міхалевіч быў выключаны з партыі ў чэрвені бягучага года з афіцыйнай фармулёўкай “за публічную крытыку кіраўніцтва партыі” пасля інтэрв’ю “Салідарнасці”.Як паведаміў намеснік старшыні Партыі БНФ Юрась Губарэвіч, пытанне пра аднаўленне Міхалевіча, планавалася ставіцца яшчэ на нядаўнім пасяджэнні Сойма 19 ліпеня. - Аднак, напэўна, каб не дапусціць станоўчага вырашэння гэтага пытання, на пасяджэнне не з’явілася практычна ўся каманда Баршчэўскага - Вячоркі. Такім чынам адсутнасць кворуму не дазволіла паставіць пытанне пра аднаўленне, - патлумачыў Юрась Губарэвіч. — Тым не менш дыскусія на гэтую тэму адбылася. Я папярэдзіў прысутных, што мы будзем ставіць пытанне па Міхалевічу на бліжэйшым з’ездзе. На што Баршчэўскі заявіў: “Калі паўстане пытанне пра аднаўленне Міхалевіча, я складу з сябе паўнамоцтвы старшыні". Фактычна гэта быў ультыматум, што пацвердзіў і сам Баршчэўскі.На думку Юрася Губарэвіча, Лявон Баршчэўскі такім чынам прапануе дэлегатам канчаткова выштурхнуць Алеся Міхалевіча з поля Партыі БНФ,а разам і ягоных прыхільнікаў у рэгіёнах. Раней з патрабаваннем аднавіць Міхалевіча выступілі Рады Гродзенскай, Віцебскай, Брэсцкай і Магілёўскай абласных арганізацый партыі, а таксама Рады шэрагу раёнаў і гарадоў. — Захады Лявона Баршчэўскага выклікаюць занепакоенасць, - адзначае Губарэвіч. — Відавочнае жаданне цяперашняга кіраўніцтва скарыстаць тэхнічны фармат з'езду, калі рэгіёны будуць рэпрэзэнтаваныя меншай колькасцю дэлегатаў. Гэта ставіць і пытанне ўнутранай легітымнасці кіраўніцтва партыі, якое ў выніку можа быць абрана на гэтым з’ездзе. Усё гэта толькі прывядзе да непаразумення паміж рознымі плынямі ў партыі.Сам Лявон Баршчэўскі не стаў каментаваць свае дзеянні ў выніку аднаўлення Міхалевіча.— Яшчэ рана пра гэта казаць, - адзначыў старшыня. - Калі Міхалевіч не прынясе сваіх прабачэнняў, думаю, з’езд яго не адновіць. Міхалевічу дадзена схема таго, што ён павінен зрабіць, каб зноў стаць сябрам партыі. Пакуль мы чакаем крокаў з яго боку.