Turkcell рыхтуе для беларусаў life:)

Источник материала:

Турэцкаму тэлекамунікацыйнаму холдынгу Turkcell, які ў гэтым годзе набыў 80% акцыяў БеСТ за $600 млн., належыць таксама кантрольны пакет украінскага апэратара "Астэліт" ТМ life:).

Як паведамляе газэта "Экономические Известия", у Менску зьявіліся білборды з лягатыпамі ў выглядзе белых смайлікаў на чырвоныі тле і паведамленьнямі "Жыцьцё толькі пачынаецца". У правым баку плякатаў дробнымі літарамі зроблены надпіс ЗАТ "Беларуская сетка тэлекамунікацыяў" (БеСТ). Прэс-служба Turkcell пацьвердзіла намер выкарыстоўваць брэнд life:) і ў Беларусі, аднак афіцыйных заяваў на гэты конт пакуль не было. Не дае афіцыйных камэнтароў, прынамсі да сьнежня, і БеСТ. Але й не абвяргае інфармацыю пра рэбрэндынг.

Паводле "ЭИ", на сёньня рыначная пазыцыя БеСТ выглядае досыць слабай на тле буйных беларускіх апэратараў і прыводзіць наступныя лічбы: па стане на пачатак верасьня кампанія абслугоўвала ўсяго 192 тыс. абанэнтаў, сетка апэратара (471 базавая станцыя) пакрывае 87 населеных пунктаў — тэрыторыю, на якой пражывае 71% насельніцтва.

Гэта пры тым,што зь ліпеня ахоп тэрыторыі значна павялічыўся - чатыры месяцы таму апэратар ахопліваў тэрыторыю, на якой пражывала 68,6% насельніцтва. У такіх варунках рэбрэндынг можа пашырыць магчымасьці БеСТу. Экспэрты лічаць, што такі крок дазволіць турэцкай кампаніі зэканоміць сродкі.

Калі пляны Turkcell зьдзейсьняцца, то для беларускага апэратара гэта будзе другая зьмена брэнду. Першы рэбрэндынг беларускай кампаніі год таму правяла кампанія расейска-украінская кампанія BrandAid.

life:) — GSM апэратар мабільнай сувязі (кампанія "Астэліт"). Ва Ўкраіне ад 2005 г. Абанэнцкая база складае больш за 10 млн чалавек. Ахоплівае тэрыторыю, на якой пражывае 92% насельніцтва. Сапраўды, калі параўнаць дадзеныя па стане на момант продажу БеСТ турэцкай кампаніі (ліпень 2008 г.), абанэнцкая база вырасла неістотна - на 5 тыс. чалавек.