Беларусь зацікаўлена ў канструктыўнай размове з "Сасьетэ Жэнераль"

Источник материала:

Беларусь зацiкаўлена ў канструктыўнай размове з банкам па пашырэннi гандлёва-эканамiчных адносiнаў памiж краiнамi. Аб гэтым заявiў прэм’ер-мiнiстр Беларусi Сяргей Сiдорскi на сустрэчы з упаўнаважаным генеральным дырэктарам французскай банкаўскай групы "Сасьетэ Жэнераль" Фiлiпам Сiтэрнам.

"Мы зацiкаўлены ў тым, каб у нас была канструктыўная размова па пашырэннi нашых гандлёва-эканамiчных адносiнаў", — сказаў Сяргей Сiдорскi, звяртаючыся да Фiлiпа Сiтэрна. "У нас ёсць прапановы не на ўзроўнi iдэй, а канкрэтных праектаў з бiзнэс-планамi, аб’ёмамi iнвестыцый, тэрмiнамi акупнасцi", — дадаў кiраўнiк беларускага ўрада.

Сяргей Сiдорскi адзначыў, што Беларусь больш актыўна працуе з вядучым банкам Францыi "Сасьетэ Жэнераль" праз "Белрасбанк". Гэта банк у Беларусi, якi iнтэнсiўна развiваецца i ва ўмовах сусветнага фiнансавага крызiсу паказвае добрыя вынiкi функцыянавання.

Прэм’ер-мiнiстр падкрэслiў, што ў апошнiя гады Беларусь значна знiзiла абароты гандлёва-эканамiчнага супрацоўнiцтва з Францыяй па шэрагу суб’ектыўных i аб’ектыўных прычын. "Са свайго боку Беларусь рабiла ўсё, каб нашы адносiны складвалiся больш удачна. Я думаю, што сусветны фiнансавы крызiс найбольш абвастрыў праблемы, якiя ёсць у еўрапейскiх дзяржаў", — лiчыць Сяргей Сiдорскi. Пры гэтым ён адзначыў, што стабiльнасць беларускай эканомiкi дасць дадатковы iмпульс развiццю беларуска-французскiх адносiнаў.

"Аказваецца, што ў Беларусi таксама ёсць чаму павучыцца. Гэта пацвярджае праведзены на гэтым тыднi ў Лондане Беларускi iнвестыцыйны форум, удзел у якiм прынялi больш як 300 замежных кампанiй, банкаўскiх i фiнансавых структур", — сказаў ён.

"Сённяшнюю сустрэчу мы разглядаем як магчымасць развiцця нашых адносiнаў, перш за ўсё, у фiнансавай сферы", — падкрэслiў прэм’ер-мiнiстр.

У сваю чаргу Фiлiп Сiтэрн адзначыў, што прыехаў у Беларусь у якасцi не толькi ўпаўнаважанага генеральнага дырэктара французскай банкаўскай групы "Сасьетэ Жэнераль", але i старшынi савета дырэктараў аднаго з вядучых расiйскiх банкаў, а таксама адказнага прадстаўнiка французскай асацыяцыi прамыслоўцаў i прадпрымальнiкаў. "Пры iнвеставаннi ў Расiю, Беларусь, некаторыя нашы партнёры пытаюцца, навошта мы гэта робiм, на што мы адказваем: прыязджайце i паглядзiце, тады вы ўсё зразумееце", — сказаў Фiлiп Сiтэрн.