ШТО Ш ВАС ДОБРАГА?

Источник материала:

У знаёмага не перазiмавалi пчолы, i мужык скардзiцца: "Ад кляшча апрацаваў, мёду поўныя рамкi — i чаго iм не хапае?"

А Леанiд Савiч, сусед па гаражы, вярнуўся з вёскi радасны.

— Усе дванаццаць пнёў перазiмавалi. Прыклаў вуха да аднаго — гудуць, паслухаў у другiх — звiняць... На днях, можа, i аблёт зробяць. Чаго яшчэ хацець!

— Гэты тыдзень наш аддзел на прадпрыемстве працаваў поўнасцю, i гэта добра. А галоўнае, што наша дачка здаровая i ходзiць у садок.

— Вось калi гандаль iдзе, то i жыць весялей. Бывае, за паўдня ўсё разбяруць, а калi за дзень нiчога не прадасi, то такая маркота.

— Вясна прыйшла, а гэта такое хараство. Да шпакоўняў, а iх у мяне 52 штукi, прыляцелi шпакi i спяваюць — гляджу на iх i радуюся. Прыязджайце, самi ўсё ўбачыце.

Паеду.

— У нядзелю прыехала нявестка з Германii, i гэта былi прыемныя хвiлiны. На працы апошнiм часам спакойна i цiха, не было аперацый, крытычных сiтуацый. Жыццё ў аддзяленнi iшло ў звыклым рэжыме, без беганiны i нерваў... Будзьце здаровыя!