Народная навіна. Сёння ў парку Горкага кожны зможа паглядзець на неба ў тэлескоп!

Источник материала:

У рэдакцыю TUT.BY прыйшло пiсьмо ад Вiктара Малышчыца:

"Кожны год ва ўсiм свеце адзначаецца Мiжнародны Дзень астраномii. Вызначаецца ён з улiкам зручнай для назiранняў фазы месяца, бачнасцi планет i праводзiцца ў адну з субот красавiка-траўня. Святкуецца Мiжнародны Дзень астраномii заўсёды наступным чынам: аматары астраномii выносяць свае тэлескопы i паказваюць усiм жадаючым аб'екты вячэрняга неба. У гэтым годзе ўпершыню Дзень астраномii будзе адзначацца i ў Беларусi!".

Як расказаў TUT.BY Вiктар,у суботу, 2 траўня, у Цэнтральным дзiцячым парку iмя Горкага ля галоўнага ўваходу будзе выстаўлены шэраг тэлескопаў, у якiя можна будзе паназiраць за Сонцам, Месяцам, Сатурнам i атрымаць тлумачэннi i адказы на пытаннi ад прысутных астраномаў.

Побач будзе працаваць выстава фотаздымкаў касмiчных аб'ектаў, а блiжэй да вечара будуць дэманстравацца вiдэаролiкi астранамiчнай тэматыкi.

Свята пройдзе з 17 да 22 гадзiн. Паглыбiць свае веды ў астраномii зможа бясплатна кожны жадаючы.

Як удакладнiў Вiктар, якi з'яўляецца адным з арганiзатараў даннага мерапрыемства, у выпадку дрэннага надвор'я фотавыстава будзе праведзена ў планетарыi, дзе таксама для ўсiх жадаючых будзе прачытана i папулярная лекцыя.

Арганiзатарамi святкавання Мiжнароднага Дня астраномii у мiнскiм парку iмя Горкага выступiлi абсерваторыя БДУ i мiнскi планетарый. Трэба адзначыць, што час ад часу супрацоўнiкi планетарыя ладзяць  назiраннi за нябеснымi свяцiламi ў парку Горкага i запрашаюць на iх усiх жадаючых. Але ўпершыню падобнае мерапрыемства яны праводзяць i прызначаюць святу Мiжнароднага Дня астраномii.

Уважаемые читатели, если вы или ваши знакомые стали очевидцами события, которое представляет общественный интерес, не проходите мимо! Вы можете присылать нам свои новости, воспользовавшись формой обратной связи. С нетерпением ждем ваших сообщений TUT!